LlGC Llsgr. 3035 (Mostyn 116) page 131v

o|r saesson y anwastatrỽyd ef. ỽynt a aethant hyt yn jwer+

don yn ol gotmỽnt brenhin yr affric a doeth hyt yno a

ỻyges vaỽr gantaỽ. Ac a weryskynassei y genedyl hono

A|r gotmỽnt hỽnỽ drỽy vrat y|saesson a deuth a|thriugein

mil a|chan mil o|wyr yr affric gantaỽ. hyt yn|ynys. prydein.

Ac yn yr amser hỽnnỽ yd oedynt y|saesson paganyeit

yn|y neiỻ ran o|r ynys. Ac yn|y ran araỻ yd oedynt y

brytanyeit a chiỽdaỽtaỽl der·uysc a|ryfel y·rydunt

yn wastat A gỽedy duunaỽ y saesson a|r gotmỽnt.

hỽnỽ. ỽynt a|deuthant ygkyt y ryfelu ar geredic vren+

hin A gỽedy ỻawer o ymladeu ỽynt a|e gyrrassant ef

ar ffo o dinas pỽy gilyd Ac o|r|diwed y gỽarchayssant

ef yg|kaer vudei. Ac yna y|deuth hesembard nei y lowis

brenhin freinc Ac y gỽnaeth amot a gotmỽt. Ymadaỽ

a|e gristonogaeth o·honaỽ hyt pan vei o ganhorthỽy

gotmỽt y gaỻei ynteu gỽerescyn freinc ar tor lowis

y ewythẏr. kanẏs ef a dywedei y|mae yg|kam y ducsit

racdaỽ ef freinc Ac o|r diwed gỽedy kaffel y dinas a|e|losci

kat ar vaes a|rodes y geredic a|e gymeỻ ar ffo drỽy haf+

ren hyt yg|kymry Ac yn|y ỻe anreithaỽ y gỽladoed

a|r|dinassoed ac eu ỻosci Ac ny orffoỽyssaỽd hyt pan

darfu idaỽ distryỽ hayach yr hoỻ ynys o|r mor pỽy gi+

lyd a ỻad y|meibon eiỻon Ac effeireit a|r yscolheigon. a|r

a|r cledyfeu ac a|r flameu yn eu ỻosgi. Ac y·veỻy eu

kywarsagu hyt y dayar A|r hyn a|diaghei onadunt

ffo a|wneynt y le y|keffynt diogelỽch. ~

B y beth a|wnaei segur genedyl gywarsagedic o pen+

ner gỽrthrymyon bechodeu yr hon gỽrth yn

wastat a vydei ar·nei sychet kiỽdaỽtwyr ymlad

kanys yn|y veint honno trỽm digartrefaỽl ryfel. ka+

NLW MS. 3035 (Mostyn 116) – page 131v