NLW MS. Peniarth 38 – page 56r
Llyfr Blegywryd
56r
1
y reith y|tygu yn dylyetus gyt a|r gỽadỽr neu yn|y
2
erbyn ar y|deỽis. Reith gỽlat yỽ llỽ degỽyr a|deu
3
vgeint. o ỽyr tiryaỽc dan y|brenhin. lle ny|pherthyno
4
reith gỽlat; yno y|dyly y|gỽadỽr keissaỽ reithỽyr tr+
5
ỽydaỽ e|hunan mal y barner idaỽ. Nyt cỽbyl vn
6
amdiffyn. ac nyt palledic hyt pan el deturyt gỽlat
7
ymdanaỽ rỽg haỽlỽr ac amdiffynnỽr. gan tygu
8
yn dylydus*. y vot yn ỽir. neu na|bo gỽir. ac yno y
9
dyly y|brenhin heuyt gymhell y reithỽyr y|r creir y ty+
10
gu eu deỽis. lle y|perthyno deturyt gỽlat. gỽyr y
11
llys oll bieu tygu. eithyr y|rei y|gallo y|bleit eu llyssu
12
P edeir taryan yssyd ac a|gedant* y +[ o|gyfreith
13
n|y llys rỽg y|kynhenusseu a reith gỽlat neu
14
deturyt gỽlat. megys kadỽ gỽesti am ledrat kyssỽ+
15
yn. neu gadỽ kyn coll. a geni a|meithrin am ledrat
16
gỽaessaf. neu treis. neu aghyfarch heb treis a|heb
17
ledrat. ac nyt cỽbyl diheuraỽ. ac nyt cỽbyl amdiffyn
18
vn o|r teir kyntaf y|r neb a|e kaffo. namyn kanhorth+
19
ỽy megys y|bo haỽs y gredu trỽy y|taryan. no he+
20
bdi. ac velly kadỽ gỽarant nyt cỽbyl ỽrtheb. ac nyt
21
cỽbyl diogelrỽyd. namyn keissaỽ neb vn a|ỽrtheppo
| « p 55v | p 56v » |