NLW MS. Peniarth 31 – page 7r
Llyfr Blegywryd
7r
1
brenhin o anreith. A ffan y defnydyo; ef a geiff
2
buch neu ych. Distein bieu tygu dros y bren+
3
hin pan uo reit. Ran deu ỽr a geiff o grỽyn
4
y gwarthec ar ychen a ladher yn|y gegin. Ran
5
gỽr med ereill. Ef bieu dangos y paỽb y eist+
6
tedua priaỽt yn|y neuad. Ef a ran y lletyeu.
7
March yn osseb a geiff y gan y brenhin. A dỽy
8
ran idaỽ o ebran. Y tir a geiff yn ryd. Buỽch
9
neu ych a geiff y gan y teulu o pop anreith. Ef
10
a geiff trayan camlyryeu sỽydocyon y bỽyt ar
11
llyn. nyt amgen coc. trullyat. sỽydỽr llys.
12
Ef a geiff gobreu merchet y mayr bisweil. Ef
13
a geiff pedeir ar hugeint y gan pop sỽydaỽc
14
bỽyt a llyn pan el yn|y sỽyd. Ef a ran aryant
15
y gwestuaeu. Ef a gyn·eil breint llys yn aỽs+
16
sen y brenhin. Punt a hanher yỽ ebediỽ dist+
17
tein. Gobyr y verch yỽ punt. Teir punt y chowyll.
18
Seith punt yỽ y hegwedi.
19
Offeirat teulu a geiff y wisc y penyttyo y
20
brenhin yndi y garawys yn erbyn y pasc.
21
Ac y velly offeirat brenhines a geiff y gwisc hi+
22
theu. Deu·deg|mu a telir dros sarhaet offeirat
23
teulu. Ar trayan a geiff ef; ar deu parth yr bren+
24
hin. Ef a geiff offrỽm y brenhin a|e teulu yn|y
| « p 6v | p 7v » |