NLW MS. Peniarth 11 – page 18v
Ystoriau Saint Greal
18v
1
galaath. Ac megys yr oed ef yn ymovidyaỽ ueỻy. nachaf ga+
2
laath yn dyuot attaỽ. A|phan weles ef melian ueỻy drỽc
3
vu ganthaỽ. ac ef a|dywaỽt. melian heb ef. pỽy a|wnaeth
4
hynny ytti. A|phan gigleu ef galaath yn dywedut ef a|e had+
5
nabu. ac a|dywaỽt. v|arglỽyd heb ef na|at ti vy·vi y varỽ yn
6
y|ỻe hỽnn ual hynn. namyn|dỽc vi y vanachlaỽc yn|y ỻe y
7
kaffỽyf vy anghenreidyeu kyn vy marỽ. a|debygy
8
ditheu heb y galaath y bydy uarỽ. Tebygaf yn wir heb
9
ynteu. A|phan yttoedynt ỽy ar|yr ymdidan hỽnnỽ. nachaf
10
y|marchaỽc yn|dyuot o|r fforest. arglỽyd varchaỽc urdaỽl
11
heb ef ymwagel ragof os geỻy. kanys mi a|wnaf ytt waethaf
12
o|r a aỻwyf. arglỽyd heb·y melian weldy yna y marchaỽc a|m
13
treỽis i. ac ymwagel ditheu racdaỽ ef weithyon. Ac yna gala+
14
ath a ymerbynnyaỽd ac ef. Ac rac meint oed awyd y|marcha+
15
ỽc a meint redeat y varch. ef a baỻaỽd arnaỽ y dyrnaỽt kyn+
16
taf. a galaath yna a|e trewis ynteu yny vyd y gỽaeỽ trỽy
17
y balueis. ac yny vyd ynteu ef a|e varch y|r|ỻaỽr. a|r|paladyr
18
yn dryỻeu. Ac ar|hynny nachaf uarchaỽc urdaỽl araỻ yn
19
dyuot. ac yn taraỽ galaath a gwaew yny vyd yn weyỻ uch
20
y benn. Ac yna galaath a|dynnaỽd y|gledyf ac a|e trewis yn+
21
teu yny vyd y drỽyn y ỽrthaỽ. ac yna ffo a|oruc hỽnnỽ rac
22
ofyn y|lad yn gỽbyl. a galaath a|e gadaỽd ef y ffo ỽrth na
23
mynnei wneuthur idaỽ mỽy o drỽc. ac yna galaath a doeth
24
att melian ac a|o·vynnaỽd idaỽ beth a vynnei. Arglỽyd heb
25
ef pei dycut ti vyvi hyt y|myỽn manachlaỽc yssyd yn agos
26
yn|y ỻe y gỽneit y mi oreu o|r a|eỻit. Ef a welit ymi heb y gala+
27
ath
| « p 18r | p 19r » |