NLW MS. 3035 (Mostyn 116) – page 22r
Ystoria Dared
22r
1
o|r kygor am annoc ohonaỽ ef dagnefed a bot
2
ofyn arnaỽ ynteu rac gỽneuthur o|priaf ryỽ gygor
3
newyd am y brat ỽynteu ac y·veỻy yr ystyryỽys
4
pop rei o·honunt ar gylch ac ar hynt yr anuonas+
5
sant ỽy polidamas heb ỽybot y|neb. kanys oed ỻei+
6
af ỻit gỽyr goroec ỽrthaỽ ef at a·gamemnon. a
7
pholidamas a doeth hyt yn ỻuesteu gỽyr goroec
8
yn y ỻe y doeth agamemnon ac a|wnaeth y negesseu
9
yn graff. ac yna agamemnon heb ỽybot hyt
10
nos a elwis y hoỻ dywyssogyon y gygor ac a|ro+
11
des vdunt genadỽri polidamas ac a erchis y pop
12
rei ohonunt dywedut yr hyn a gyghorei a|chygor
13
vu gan baỽb onadunt rodi cret y|r bratwyr. ac
14
Jỻuxes a nestor a dywedassant bot arnunt o·vyn
15
y vrat hono. ac yn deissyfedic pirr a|ỽrthỽnebỽys
16
y geireu hỽy. a|thra|yttoedynt ỽy yn amrysson
17
yrydunt y·veỻy duunaỽ a|wnaeth gỽyr goroec
18
a|chymryt arỽyd y gan|bolidamas ac anuon gan
19
sinon at eneas ac anchises ac antenor a sinon
20
a gerdaỽd parth a throea ac ny roesit yna etwa
21
aỻwedeu y|pyrth y|gan y gỽerch·eitweit y amphi+
22
macus ac val y rodes ef yr arỽyd a chlybot ỻef
23
eneas ac anchises ac antenor ef a gỽpplaỽys
24
ac a gadarnhaỽys y vrat ac a deuth dra|e gefyn
25
ac a|dywaỽt hyny y|agamemnon ac yna y bu da
26
gan wyr groec rodi cret y baỽb a|e kadarnhau
27
drỽy lyein ac os y|nos hono y rodynt ỽy y casteỻ
28
y|keit cret ỽrth antenor ac vlcalegon ac amphima+
29
das ac eneas ac o|e|ỻafur ac o|e ryeni oỻ a gỽra+
30
ged a|e meibon a|e kereint oỻ a|e kyffeiỻon ac y|r
| « p 21v | p 22v » |