Oxford Jesus College MS. 57 – page 91
Llyfr Blegywryd
91
1
anuod a|heb vraỽt. Perchennaỽc yỽ y neb a vo
2
yn medu y dylyet dilis. Gỽercheitwat yỽ y|neb
3
a|gynhalyo. neu a|warchattwo dylyet dyn araỻ
4
trỽy y gennat. ~ ~ ~ ~ ~ ~
5
O Tri mod y dosperthir dadyl datannud
6
rỽng etiuedyon. Nyt amgen trỽy dri
7
breint anyanaỽl. Kyntaf yỽ breint oet yrỽng
8
hynaf a Jeuaf. Eil yỽ. breint priodaỽl rỽng
9
etiued kyfreithaỽl ac un angkyfreithaỽl. kanys
10
y kyfreithaỽl a|e keiff oỻ. Trydyd yỽ. breint dy+
11
lyet rỽng dylyedaỽc ac andylyedaỽc. Os tateu
12
y rei hynny a gynnalyassant y|tir hỽnnỽ ~
13
wers tra|gỽers hyt eu hangeu. Os meibyon
14
a|daỽ y erchi datannud. Mab y dylyedaỽc a geif
15
datannud o gỽbyl pa|bryt bynnac y|del. Ody+
16
na o|r deuant etiuedyon vn rad y·gyt. ac yn
17
yr vn amser y ovyn datannvd. Megys brodyr
18
neu gevynderỽ. neu gyverderỽ o dir eu tat+
19
eu yr hynn a|gynhalyaỽd eu|tateu wers tra
20
gỽers yn|dirann hyt eu marỽ. ny|dichaỽn vn
| « p 90 | p 92 » |