Breudwd Welsh Prose 1300-1425
Cymraeg

Oxford Jesus College MS. 119 (The Book of the Anchorite of Llanddewi Brefi) – page 80r

Ymborth yr Enaid

80r

1
Sef yỽ hỽnnỽ yr yspryt glan. Ac nyt llei hỽnnỽ
2
e|hun noc vnolder y|teir personn ygyt. Yr annỽyl+
3
serch garyat hỽnnỽ a|wahenir yn dỽy geing.
4
Vn yỽ karu duỽ yn voe no phob ryỽ beth. a|charu
5
dy|gyfnessaf ynn gymeint a|thi|dy|hun. Yr eil yỽ.
6
karv duỽ yn vỽy no phob ryỽ beth a dylyir o|bedeir
7
fford. nyt amgen. o|holl gallonn. o holl eneit. o
8
holl nerth. o holl vedỽl. Sef yỽ hynny yn doeth.
9
hyt na bo neb ryỽ beth yn|y gallonn a|ỽrthỽyne+
10
po y garyat ef namyn rodi idaỽ ef yr holl gallonn.
11
kannys ef e|hun yssyd yn|y herchi pann dyỽeit.
12
Vy mab moes ym dy|gallonn. Sef yỽ hynny holl
13
ewyllys y|galonn. hyt na bot gỽaet yn|y galonn
14
ar ny|s gellyger o|e garyat ef o byt reit. O|holl
15
eneit. Sef yỽ henny yn beruelys. neu yn velyster.
16
hyt na bo digrifuỽch. na pheruelyster yn|yr ene+
17
it namyn duỽ e|hun. ac na|charer neb o|gyfyaỽn
18
garyat. namyn ef. neu a|dylyer y|garu yr garyat
19
ef. O holl nerth. Sef yỽ hynny yn gadarnn. hyt
20
na bo neb ryỽ beth a allo dy wahanu vrth garyat
21
duỽ. O holl vedỽl. Sef yỽ hynny. yn gofaỽdyr;
22
hyt nat el dros gof gennyt byth y garyat ef. na+
23
myn kynnal yn dy|gof na cherych neb ryỽ beth yn
24
voe noc ef. Karu dy|gyfnessaf a|dylyy yn gyme+
25
int a|thi|dy|hun. Sef yỽ hynny. na|ry|buchych idaỽ