BL Harley MS. 958 – page 42v
Llyfr Blegywryd
42v
1
bẏnhac a atto ẏ wreic ac a|uo ediuar gan+
2
taỽ ẏ gadu; a hitheu gỽedẏ ẏ rodi ẏ ỽr
3
araỻ. o|r gordiweth ẏ gỽr kẏntaf a|r ne+
4
iỻ troet ẏ mẏỽn ẏ gỽelẏ a|r ỻaỻ ẏ maes.
5
ẏ gỽr kẏntaf o gẏfreith a|e keiff. O|r gwat+
6
ta gỽreic ẏ godineb; rodet lỽ dec wrageth
7
a deugeint. Ac ueỻẏ ẏ gỽr a watto; ỻỽ deg+
8
wẏr a deugeint a dẏrẏ Ac am ẏ tri chadarn
9
enỻip ẏ rodir ẏ reitheu hẏn. O|r bẏd ẏ wreic
10
achaỽs dẏbrẏt gẏt a|gỽr araỻ. ae o|gus+
11
san. ae|o vẏssyaỽ. ae o ẏmrein. ẏ gỽr a|dich+
12
aỽn ẏ gỽrthot. A|hi a|dẏlẏ coỻi ẏ hoỻ dẏlẏ+
13
et o rodi cussan heb vn o|r deu ereiỻ. O|r
14
kẏttẏa gỽr a gỽreic gỽr araỻ. talet idaỽ
15
ẏ sarhaet dan ẏ ardrẏchauel vn weith.
16
kanẏs o genedẏlaet elẏnẏaeth ẏỽ. Dros
17
ouẏssẏaỽ ẏ telir sarhaet heb drẏchauel.
18
Dros cussan. traẏan ẏ|sarhaet a uẏd eisseu
19
kanẏ bu weithret cỽbẏl ẏ·rẏdunt nac o
20
tỽẏỻoueint idi na phẏ wed bẏnhac ẏ ro+
21
dit ẏ cussan. Y neb a cussano gwreic gỽr
22
araỻ. talet petwaret ran ẏ sarhaet. Ac ueỻẏ
23
o|r gofẏssẏaỽ onẏt ẏ|gware ẏr hỽn a el+
24
wir gware raffan. neu ẏg kẏfedach. neu
25
pan del dẏn o peỻ. Ẏ neb a wnel cỽbẏl
| « p 42r | p 43r » |