Cardiff MS. 3.242 (Hafod 16) – page 48
Llythyr Aristotlys at Alecsander: Y Pedwar Math o Frenin
48
1
chỽi vuchedockau yn|didramgỽyd o|bob peth o|r a|berthy+
2
nont parth ac at arglỽydiaetheu daearaỽl. ~
3
P Edwar brenhin yssyd; brenhin hael ỽrthaỽ e
4
hun. a|hael ỽrth y|werin. a brenhin kebyd ỽrthaỽ
5
e|hun. a|chebyd ỽrth y werin. a brenhin hael ỽrthaỽ e
6
hun a chebyd ỽrth y|werin. a brenhin kebyd ỽrthaỽ e|hun
7
a hael ỽrth y werin. Gwyr yr eidyal a|dywedassant
8
nat oed geryd ar vrenhin a|vei gebyd ỽrthaỽ e|hun
9
a hael ỽrth y werin. Gỽyr yr Jndia a|dywedassant pa
10
vrenhin bynnac a|vei gebyd ỽrthaỽ e|hun. ac ỽrth y
11
werin mae molyannus vydei. Gỽyr pers a|wrthỽy+
12
nebassant yr hynn a|dywaỽt gỽyr yr eidyal ac a|dyỽ+
13
aỽt gỽyr yr Jndia. ac yn|y mod hỽnn y|dywedassant.
14
Nyt gỽiỽ brenhin. ar ny bo hael ỽrthaỽ e|hun a hael
15
ỽrth y|werin; dyeithyr drỽy vy marn i gỽaethaf bren+
16
hin vydei hỽnnỽ a mỽyaf y geryd. kanys y deyrnas
17
bob amser a vyd tlaỽt. O|r|achaỽs hỽnnỽ y|mae re+
18
it y ninneu deall beth yỽ haeloni. a pheth yỽ kebyd+
19
yaeth a pha|le y bo kyueilyorn. kanys haỽd yỽ tor+
20
ri messur. a phan dorrer y messur yno y|mae keryd
21
ac anaỽd iaỽn yỽ kynnal messur ar|haelyoni. dyeithyr
22
o|r|mynny y|wybot edrych yn vynych beth vo|dy|aỻu
23
yn vessureid y|r rei eissywedigyon ac y|r|rei vrdedigyon.
24
Y neb a wnel amgen pechaỽt a|messur haelyoni a
25
ydiỽ yn|y dorri. kanys|pỽy|bynnac a rodo rodyon y
26
nebun di·eisseu; ny cheiff ynteu ganmaỽl am hynny
| « p 47 | p 49 » |