Cardiff MS. 1.363 (Hafod 2) – page 33v
Brut y Brenhinoedd
33v
1
trwy ỽydynoed a dynessaỽ y gyt a|dechrev ymlad.
2
A llawer o|r dyd a drewlywyt yn ymlad. kanys y gw+
3
yr deỽrhaf a moledykaf a dangossynt eỽ deheỽoed
4
pob rey o|y gylyd onadvnt. Ac y gyt a hynny llawer o
5
crew a gwnyt* a|ellyghassant o pob parth. kanys yr er+
6
gydyeỽ a ellyghynt oc eỽ holl|nerth agheỽolyon wely+
7
eỽ a dyporthynt. Ena y ssyrthynt y gwyr brathedyc
8
ym plyth y bydynoed megys y ssyrthey yt|e|kynhay+
9
af pan ỽydynt y medelwyr da yn amrysson. Ac o|r dy+
10
wed gwedy gorvot o|r brytanyeyt ffo a|wnaethant y llyc+
11
hlynwyr yn yd oedynt yssyc eỽ bydynoed y eỽ longheỽ*.
12
Ac yn yr ymlad hỽnnỽ y llas onadỽnt pymtheg myl. ac
13
ny dyeghys myl onadỽnt yn yach. Ac o|ỽreyd y kaỽas
14
bran yna ỽn llong megys y rannỽs y tyghetỽen ydaỽ.
15
Ac odyna yd aeth hyt yn traetheỽ ffreync. Ar rey er+
16
eyll oll megys y ranney damweyn eỽ|tyghedven vdỽnt y
17
AC gwedy kaffael o veli y wdvgolyaeth [ ffoassant.
18
honno galw attav y wyrda hyt yg kaer efravc
19
a orỽc. a goỽyn kyghor ỽdỽnt peth a wnelyt am ỽre+
20
nyn denmarc. kanys o|e karchar anỽon kennadeỽ ar
21
ry wnathoed hyt at ỽeli y gynnyc ydaỽ darystygh+
22
edygaeth a theyrnget pob blwydyn o denmarc a|e
| « p 33r | p 34r » |