NLW MS. Peniarth 9 – page 53r
Ystoria Carolo Magno: Can Rolant
53r
1
vlin o ymlad ac eu harueu y vrywedic bychan
2
e hymdiret yndunt. O wi a|duỽ meint y kollet
3
a doyth y ffreinc yna o vrat gỽenwlyd y saỽl ar
4
veint o ganỽrthỽywyr a golles charlymayn
5
yn lle hỽnnỽ etwa collet y gỽyr hyny y par+
6
hau ac eu heisseu yn ymdangos herwyd eu llỽy+
7
byr yn amlỽc. O wi a|duỽ mor da y cauas y
8
bradỽr yn|y diwed tal y anffydlonder ymparis
9
ymherued eu gỽlat y hun y barnỽyt y groc ar
10
y decuet ar|hugeint o|y oreugỽyr. Ar brenhin
11
kyt bei trist a|gymerth y vraỽt honno ac a
12
beris y chỽplau o weithret. Ac y·uelly kyt bei
13
gỽrthỽyneb gantaỽ a dialỽys y gollet trỽy
14
gollet arall ac y didanỽys y dolur arall.
15
O|r canmil hagen o pagannyeit ry dothoyd
16
yn gyntaf am ben y ffreinc ny diegis ỽrỽ* na+
17
myn margarit y hun. A hỽnnỽ a datcanỽys
18
y varsli ayrua y vyr. Ac odyna marỽ vu yn+
19
teu canys briỽaỽ ry wnathoyd. y daryan a|y
20
harwest etwa am y dỽrn a|thorri y wayỽ a briỽ+
21
aỽ y luryc a|thorri y helym a|y benffestyn. A briỽ+
22
aỽ y ben. A phedeir gỽeli yn|y gorff a|y gledyf
23
noyth yn|y laỽ yn waytlyt yd edewis y mays
24
yn lladedic hayach heb vaỽr geryd ac y ffoes
25
nyt yn an adỽyn ac adaỽ y gan mil o gedym+
26
deithyon yn veirỽ wedy ry lad. A gỽedy dy+
27
uot margarit rac bron marsli vrenhin yn|y
28
wed honno nyt val gỽr llỽfyr ffoaỽdyr. y|gyg+
29
hori a oruc val hyn. Marsli vrenhin yr yspayn
| « p 52v | p 53v » |