NLW MS. 3036 (Mostyn 117) – page 240
Brut y Brenhinoedd
240
1
coron ynys prydein trỽy greulonder a brat. Ar
2
ry| gyscu gan wenhỽyfar vrenhines gan lygru
3
kyfreith dỽywaỽl y neithoryeu. Ac ỽrth hynny
4
ymchoelut a wnaeth arthur trachefyn. Ac ellỽg
5
hywel vab emyr llydaỽ y tagnouedu y gulado+
6
ed hynny a llu ffreinc gantaỽ. A chychwyn a or+
7
uc ynteu a guyr yr ynyssed gyt ac ef parth ac
8
ynys prydein. Ac neur daroed yr bratỽr tỽyllỽr
9
yscymun gan vedraỽt anuon selinx tywyssa+
10
ỽc y saesson hyt yn germania y wahaỽd y niuer
11
mỽyhaf a allei y gaffel hyt yn ynys prydein yn
12
porth idaỽ. gan rodi udunt o|r tu draỽ y humyr
13
oll. Ac yn ychwanec y hynny yr hyn a rodassei
14
ỽrtheyrn gỽrtheneu y hors a hengyst yn sỽyd
15
geint. A guedy cadarnhau yr amot hỽnnỽ y
16
rydunt; y doeth y tywyssaỽc hỽnnỽ ac ỽyth cant
17
llog yn llaỽn o varchogyon aruaỽc paganyeit
18
gantaỽ. A gỽrhau y uedraỽt megys y vrenhin.
19
Ac yn achwanec hynny neur daroed duunaỽ ac
20
ef yr yscotyeit ar ffichteit ar gỽydyl yn erbyn
21
arthur y ewythyr. Sef oed eiryf y lu y·rỽg +
22
tonygyon A phaganyeit; petwar ugein mil.
23
Ac a hynny o niuer gantaỽ y doeth yn erbyn ar+
24
thur hyt y glan y mor y porth norhamtỽn a ro+
25
di brỽydyr idaỽ yn dyuot o|r llogeu yr tir. Ac
26
y dygỽydassant araỽn vab kynuarch vrenhin ys+
27
cotlont. A gualchmei vab gỽyar nei y brenhin.
| « p 239 | p 241 » |