NLW MS. 3035 (Mostyn 116) – page 190v
Brut y Tywysogion
190v
1
cant hebaỽc. Ac ẏna heb aỻeỻ o lywelyn diodef creulonder
2
y brenhin drỽy gygor y|wyrda yd anuones y|wreic at y|bren+
3
hin yr hon a oed verch y|r brenhin y|wneuthur hedỽch y+
4
rygtaỽ a|r brenhin pa|furyf bynac y gaỻei. a gỽedy caffel
5
o lywelyn diogelrỽyd y vynet at y brenhin ac y dyuot ef
6
a|aeth attaỽ ac a|hedychaỽd ac ef drỽy rodi gỽystlon y|r
7
brenhin o vonedhigyon y|wlat ac vgein mil o|warthec
8
a|deugein emys a|chenhatau hefẏt y|r brenhin y berued+
9
wlat yn|dragywydaỽl. ac yna yd hedychaỽd a|r brenhin
10
hoỻ dywyssogyon kymrẏ eithẏr rys ac ywein. Meibon
11
gruffud ap rys ac yd ymhoelaỽd y brenhin y loegẏr drỽy
12
diruaỽr lewenyd yn vudugaỽl ac yna y gorchymynaỽd
13
ef y|r tywyssogyon hẏnẏ gymryt ygyt ac ỽynt hoỻ lu
14
morganỽc a dyuet. a rys grẏc a maelgỽn ap rys a|e ỻuoed
15
a mynet am ben meibon gruffud ap rẏs y gymeỻ arnunt
16
dyuot y laỽ neu giliaỽ ar|dehol o|r hoỻ teyrass*. ac yna y|kym+
17
heỻaỽd synyscal caer dyf gỽr a oed tywyssaỽc ar y|ỻu a
18
rẏs a maelgỽn meibon y|r arglỽyd rys y ỻuoed ygyt a e
19
kedernit a chyrchu penwedic a|wnaethant a gỽedy na
20
aỻei rys ac ywein meibon gruffud ymerbyneit a|r
21
veint aỻu hỽnỽ ac nat|oed le ryd vdunt yg|kymrẏ y
22
gyrchu idaỽ anuon kenadeu a orugant at faukỽn
23
y|wneuth·ur y hedỽc*. a|hedychu ac ef a|wnaethant
24
a chanattau a|wnaeth y|r brenhin y|kyfoeth rỽg dyfi
25
ac aeron ac adeilat a oruc faikỽn gasteỻ y|r brenhin
26
yn aber ystỽyth ac yna yd aeth rys ac ywein vei+
27
bon gruffud ar gỽndit fau·kỽn y lys y brenhin a e
28
kẏmryt a|oruc y brenhin yn gyfeiỻon idaỽ a|thra
29
ytoedynt
| « p 190r | p 191r » |