Cardiff MS. 3.242 (Hafod 16) – page 74
Rhinweddau Bwydydd
74
1
gỽaet da a braster. nyt da amgen aruer o·honaỽ yn vynych.
2
Gruel a|wneler o vlaỽt gỽenith. da yỽ y|r dỽy·vronn ac y|r
3
ysgeueint. Tysan a|wneler o·honaỽ da yỽ rac y pessychu.
4
ac y attal gỽaetlin. Rudyon y gỽenith. gỽressaỽc yỽ a
5
redegaỽc. golchi a|wna a glanhau. a|r|bara gỽessogach* yỽ
6
no|r gỽenith y gỽneler o·honaỽ. Heid; oer a sych yỽ yn|y
7
rad gyntaf. nerth yssyd yndaỽ y lanhau. Bara o|r heid
8
oer a sych yỽ. gỽaeth y mac no bara gỽenith. kaledu croth
9
a|wna. ygyt a phetheu bras y|dylyir y vỽyta megys
10
emenyn neu gic bras. Tysan a|wneler o|r heid; oer a gỽ+
11
lyb yỽ. da yỽ y|dynyon a|vo tra·sychet arnunt ac na bo ̷ ̷
12
heint gỽres arnunt. Ac ual hynn y gỽneir; kymryt heid
13
gỽynn da kalet ny bo ry hen a|e vorteru yn ysgaỽn yny
14
gyuotto y risc. ac yna kymryt ỻestreit o heid glan. a
15
naỽ o dỽfyr a|e verwi hyt na bo namyn vn. Ereiỻ a|dyw+
16
eit mae pedwar ar|dec o|r|dỽfyr a phump o|r heid. a|e verwi
17
yny el dan y|draean. o·dyna y hidlaỽ. a hỽnnỽ vyd y|tysan.
18
Keirch; ardymherus yỽ o|wres ac oeruel. Fa o|r bydant
19
ir oer vydant a gỽlyb. a|meithrin fleuma a|wnant. O|r
20
bydant sych goer a sych vydant. a hỽydaỽ a|wnant. a|cha ̷+
21
let vydant ỽrth eu todi. a|r neb a|e bỽytao yn vynych pen+
22
drỽm vyd a blin yn diannot kanys gỽedy gỽasgarer eu
23
mygodorth yn|yr aelodeu; ymdrychafel a|wna y|r penn.
24
ac argywedu yr emennyd a|pheri gỽelet ỻawer o
25
vreudỽydon aruthyr. Gweỻ vyd y|ffa gỽynnyon o|e|be+
26
rwi yn gyntaf myỽn dỽfyr a gỽedy bỽryer hỽnnỽ ym+
27
eith eu berwi yn|yr eil|dỽfyr. a|goreu vydant oc eu dirisgaỽ
| « p 73 | p 75 » |