Cardiff MS. 3.242 (Hafod 16) – page 30

Y ostỽng hỽyd kymer frangk·a·sens. a chann gỽenith. a sud

y walwort. ac aych. a|morel. a hemloc. eu ffrianu myỽn pa+

deỻ ar|y tan gyt a blonec gỽynn gỽyry. a dot arnaỽ ỻe bo

y dolur. ac o|r byd reit tỽym drachefyn a dot ỽrthaỽ. Araỻ yỽ;

kymer deil o brenn plỽmas gỽynn. a ỻinhat. a|berỽ myỽn ỻaeth

gafyr wenn. a|dot yn|dỽym ar|y dolur. Y lanhau brath. kymer

hen vlonec moch. a cens. a chỽyr newyd. a dot ar|y tan y fri+

anu. ac odyna gỽasc ef drỽy liein. A phan vo ef yn oer gỽas+

gara ef ar|ỻet ar lywan. a symut ef dwyweith yn|y|dyd a

thynn. a dot drachefyn ar|y dolur. Araỻ yỽ; kymer. sud y|dynat.

a cerffoyl. a walwort. a mel gloeỽ. a gỽynn wy. a gỽin. o bob

un kymeint a|e gilyd a|dot gyt ac|ef gan gỽenith. ac o hỽnnỽ

dot ar|y brath y bore a|r|nos. ac o|r byd y brath yn bryntu o eis+

seu y gadỽ; dot ỽrthaỽ apostolicon. neu cerffoyl. Y agori

bratheu. ac y|dynnu haearn neu brenn o|r byd yndunt. kymer

vlaỽt ryc a|gỽna yn|does gyt a gwynn·ỽy a dot ar y brath.

Araỻ yỽ; kymer sebon a dot yn gyflet ac y bo y brath a|hỽnnỽ

a|e hegyr ef yn ỻe gỽir os gỽney yn vynych. Araỻ yỽ; kymer

egyrmoyn. a briỽ ef gyt a hen vlonec. a|dot ef ar|y brath ac

ef a|dynn y maes yr haearn neu|r prenn o|r aelaỽt y bo. O|r|byd

haearn neu brenn myỽn korff|dyn. kymer. wreid y|dynat. a

briỽ gyt a blonec gỽyry a mel. ac ueỻy agor y brath. a|dot

arnaỽ. ac ef a|e tynn y|maes heb pedruster. Araỻ yỽ; kymer

wreid y polipodij a|golch ef yn|da a|briỽ gyt a|hen vlonec. a|dot ef

ar y dyrnaỽt a|iach vyd. Rac gỽewyr myỽn bratheu neu

dyrnodeu yn|y tridieu kyntaf o galan ebriỻ|kastla* y|blodeu o|r

prenneu hynn a briỽ ỽynt gyt a|hen vlonec. a|dot gyt ac ef bỽ+