NLW MS. Peniarth 32 (Y Llyfr Teg) – page 165
Llyfr Iorwerth
165
1
Pob anafus araỻ hagen y bo iach y glusteu
2
a|e lygeit a|e dauaỽt; kymeredic vyd eu hymadra+
3
ỽd. Dynyon aghyfyeith ny wyper py dywet+
4
tont. ac ny wypont ỽynteu py dywetter ỽrthunt.
5
nyt kymeredic eu hymadraỽd onyt arglỽyd a
6
drugarhaa ỽrthunt. Tystolyaeth a|eỻir ar eir
7
ac ar weithret. ac ny eỻir ar vedỽl. Hynn o dyn+
8
yon a|dieingk rac ỻỽ gỽeilyd; arglỽyd. ac escob.
9
a mut. a bydar. a dyn agkyfyeith. a gỽreic veich+
10
aỽc. Ny thal vn aniueil kyndeiryaỽc y gyfla+
11
uan. ac ny thal aniueil brỽyttrin y gilyd. Sef
12
yỽ aniueil brỽyttrin. stalỽyn. a charỽ. a baed. a
13
hỽrd. a hỽch. a cheilyaỽc. a cheilyacwyd. O|r ỻad
14
vn onadunt ỽynteu aniueil araỻ; ef a|e tal.
15
O |Deruyd y dyn tynnu rỽyt ae ar|auon.
16
ae ar vor. a mynet yndi ae gỽydeu ae ani+
17
ueileit ereiỻ. ac o hynny coỻi eu bywyt. a briỽ+
18
aỽ y rỽyt gan yr aniueil. ny diỽc yr vn onadunt
19
y gilyt. kanys deu veredic ynt. O deruyd my+
20
net ae eidon ae aniueil araỻ yn|y rỽyt. a briỽaỽ
21
y rỽyt. a diangk yr aniueil; diwycker y rỽyt.
22
kanys iaỽn yỽn* eu tynnu. O|deruyd dylyu da y
23
dyn. ac am y|da hỽnnỽ rodi oet idaỽ. ac chynn
24
yr|oet; kaffel o|r kynnogyn y tal. a|e gynnic y|r
25
haỽlỽr. Kyfreith. a|dyweit na|dyly y wrthot. kanny
26
bu reit ỽrth yr oet; namyn yr keissaỽ y da.
| « p 164 | p 166 » |