LlGC Llsgr. Peniarth 11 page 206r | Welsh Prose 1300-1425

Yr|ỽyf|i yn|gorchymun ytti heb·y paredur vynet y·gyt a|r moryny+

on hynn adref. a|pha|le bynnac y delych dywedut o·honat panyỽ

y marchaỽc deỽr ỽyt o|hynn aỻan. kanys kỽrteissyach yỽ yr

enỽ hỽnnỽ no|r ỻaỻ. Gỽir a|dywedy heb ynteu. a|r henỽ hỽnnỽ

yssyd hoff gennyf o|th achaỽs di. Yna y morynyon a gymeras+

sant gennyat paredur ac a|aethant a|r marchaỽc deỽr y·gyt ac ỽy

drỽy di·olỽch y baredur y vuyddaỽt a|e gỽrteissi ~ ~

P aredur ynteu a gerdaỽd drỽy syỽrneioed yny doeth y

gaerỻion. yn|y ỻe yd|oed arthur. ac ef a|welei gỽbyl o|r

ỻys a|chyving gyngor maỽr ganthunt. a|ryued uv ganthaỽ

ynteu hynny. a|gouyn a|oruc y rei. paham yr|oedynt mor drist

ac mor ovalus ac yr|oedynt. a|pha|le yr oed arthur. arglỽyd

heb vn onadunt y|mae yn|y casteỻ racko. ac ny bu arnaỽ eiryo+

et oual kymeint ac yssyd yr aỽr·honn. kanys ryỽ anghenvil ys+

syd yn|ryuelu arnaỽ. ac yn erbyn hỽnnỽ ny lefeys neb ymlad.

yna paredur a|doeth hyt y neuad. a|disgynnu a|oruc ef yno. Ac

yna gỽalchmei a|laỽnslot a|doeth yn|y erbyn. a chỽbỽl o|r milỽ+

yr y·gyt ac ỽynt. a ỻawen vu y brenhin a|r vrenhines ỽrthaỽ.

Yna diosc y arueu y ymdanaỽ a|wnaethpỽyt. a gỽisgaỽ glan

diỻat. Ac yna ef a|gaffei edrych arnaỽ. kanys y glot a|oed ida+

ỽ. a|e degỽch e|hun. yn|y·chwanec. a ỻawen vu baỽp am y dyuoty+

at ef kyt beynt trist kyn|no hynny. a|megys y bydei y brenhin

diwarnaỽt yn bỽyta. nachaf dri marchaỽc urdaỽl yn aruaỽc

yn|dyuot y|myỽn. a chan bop vn yd oed marchaỽc urdaỽl araỻ

yn uarỽ gỽedy torri eu traet ac eu dỽylaỽ. ac eu korffeu yn

gyuan. ac eu ỻurygeu yn kyn|duet a|r pyc duaf. ac eu bỽrỽ a

NLW MS. Peniarth 11 – page 206r