NLW MS. Llanstephan 27 (The Red Book of Talgarth) – page 114r
Efengyl Nicodemus
114r
1
yỽch. Ny chredassaỽch heb y marchogyon y|r geniuer gỽyrth a
2
rinwed a glyỽsaỽch ac a|welsaỽch yn aỽch gỽyd y wneuthur o
3
Jessu. pa|delỽ y credeỽch chỽitheu ynni. Da hagen y dywedas+
4
saỽch chỽi. byỽ yỽ yr arglỽyd. ac nyt byỽ yr hỽnn a|grogassa+
5
ỽch chỽi. ac ỽrth hynny ni a|gredỽn. ac a|glyỽssam ry warchae
6
Joseph ohonaỽch chỽi yr|hỽnn a gladaỽd corff iessu y myỽn
7
gorwedua y·dan glo. ac inseilyaỽ y drỽs. a phan agorassaỽch
8
y ỻe ny|s caỽssaỽch ef. ac ỽrth hynny rodỽch chỽi ynni Joseph
9
kann cadwassaỽch chỽi efo. a ninneu a|rodỽn y chỽi Jessu
10
a gadwassam ninneu yn|y bed. Ni a|e rodỽn heb yr idewon
11
y mae Joseph yn arimathia y|dinas e|hun. Ot yttiỽ ioseph
12
yn arimathia heb y marchogyon y mae Jessu yng|galilea
13
ual y clywssam ninneu y gan yr angel yn|y uenegi y|r
14
gỽraged. A phan gigleu yr idewon hynny ovynhau a|orugant
15
yn uaỽr rac clybot o|r bobyl yr ymadrodyon hynny. a chredu
16
o·honunt y Jessu. a|chyweiryaỽ ỻawer o da a|e rodi y|r mar+
17
chogyon a|orugant yr dywedut o·nadunt ry dỽyn o|e disgyblon
18
corff Jessu yn ỻedrat ac ỽynt yn kysgu. ac os y raclaỽ a litty+
19
a. ni a vydỽn drossaỽch. ac a|ch digerydỽn. A|r marchogyon a
20
gymerassant y da. ac a dywedassant ueỻy ual y dysgassei yr
21
Jdewon udunt. a hortyaỽ yr|angglot hỽnnỽ a|orugant y
22
baỽp. FFines offeiryat. ac adaf gorchymynnỽr. ac ageus dia+
23
gon. y tri hynn·y a doethant o alilea y gaerussalem. ac a
24
dywedassant y|r offeireit. ac y|r a|oed o gynnuỻeitua yn|y sina+
25
goga o|r Jdewon. ry welet Jessu o·nadunt yr|hỽnn a grogas+
26
synt ỽy. y·gyt. ac vn ar|dec o|e disgyblon yn ymdidan ac
27
ỽynt yn eu kymherued ym mynyd oliuet. ac yn|dywedut ỽr+
| « p 113v | p 114v » |