Cardiff MS. 3.242 (Hafod 16) – page 92
Ansoddau'r Trwnc
92
1
o|r sanguis y|mae y defnyd. ac o|r|goỻyngy waet ar|y vre+
2
ich assỽ idaỽ ef a geiff hoỻ waret heb olud. O|r byd teỽ y
3
trỽngk a bras a choch heb loeỽi ym paladyr yr heul.
4
ac yn debyc y waet. nychtaỽt a gỽander corf a|arỽydoc+
5
caa. a|hynny|drỽy ormod cryt. O|r byd gỽasgaraỽc y
6
trỽngk; cryt yn hir o amser a|arỽydocka. O|r byd coch y
7
trỽngk neu debyc y vrỽnstan. a|e welet yn symudaỽ yn ̷
8
vynych; cryt enbyt yỽ. O|r byd nywlaỽc y trỽngk a ̷
9
gỽyrd os|ar|dechreu heint vyd hynny. neu ym|penn y
10
deudyd gỽedy del gỽaret a|e welet yn dewach deỽach; di+
11
ogel yỽ y byd marỽ. OS mỽy·vỽy vyd yr arỽydon heb
12
dewhau; hir|heint vyd. O|r byd wybrennaỽc y trỽngk;
13
heint rac ỻaỽ a|arỽydocaa. O|r byd kethin y trỽngk. gan heint;
14
gỽres a thywyỻỽch. dolur penn ac ysgỽydeu. a|gỽanhau
15
y glywet a|arỽydocaa. ac ony daỽ gỽaret erbyn y seith+
16
uet dyd marỽ vyd. O|r byd tebyc y|oleỽ yn|yr heint
17
gỽres; hynny a|arỽydocaa. angheu neu gyndared neu
18
idỽn. ac o|symut yn ebrỽyd; cornỽyt ar|yr emennyd a ̷
19
dengys y vot. O|r byd deuaỽt ganthaỽ ynteu vot yn
20
danỻyt y|liỽ a dolur pan|bisser; hynny a|arỽydockaa
21
na thaỽd yndaỽ y vỽyt a|e diaỽt. a|reit yỽ rac hynny
22
aruer o vỽydeu medal. O|r byd du neu goch a bot
23
megys rudyon yn|y gỽaelaỽt. a|r chỽyssigen yn dy+
24
gỽydaỽ. a|dolur ar|yr arenneu. a dolur yn pissaỽ; pe+
25
riglus yỽ y dyn hỽnnỽ. O|r byd pissaỽ mynych|a
26
hỽnnỽ bob ychydic; maen tosted a|arỽydockaa. O|r
| « p 91 | p 93 » |