NLW MS. Peniarth 18 – page 49r
Brut y Tywysogion
49r
1
ap* rys y|deuth tri channtref o|dyuet. nyt amgen
2
y canntref gỽarthaf. A chantref kemeys. A|chann+
3
tref emlyn. A|phelunyaỽc. A chastell kilgerrann.
4
Ac o ystrat tyỽi. castell llann ymdyfri. a|deu gy+
5
mỽt nyt amgen. hiruryn. a mallaen. a|maen+
6
aỽr vydduei. Ac o geredigyaỽn deu gymỽt. gỽyn+
7
yonyd. A mabỽynyaỽn. Ac y rys Jeuanc. Ac y+
8
ỽein y vraỽt meibon grufud ap rys y deuth castell
9
aberteiui. A|chastell nant yr aryant. a|thri chan+
10
tref o geredigyaỽn. Ac y|rys gryc y|deuth ynn
11
rann y cantref maỽr oll eithyr mallaen. ar can+
12
tref bychan oll eithyr hirvryn. a myduei. ac idaỽ
13
y|deuth ketỽeli. A charnỽallaỽn. Yn|y vlỽydynn
14
honno y|hedychaỽd gỽenỽynỽyn arglỽyd poỽys
15
a ieuan vrenhin lloegyr drỽy trymygu y|llỽ ar
16
aruoll a rodassei y|tyỽysogyon lloegyr a|chymry
17
A|thorri yr|ỽrogaeth a|rodassoed y|lyỽelyn ap ioruerth.
18
a|madeu y|gỽystlon a rodassei ar|hynny. a|gỽedy
19
gỽybot o lyỽelyn ap ioruerth hynny kymryt arnaỽ yn
20
ỽrthrỽm a|oruc. Ac anuon attaỽ escyb ac abadev
21
a gỽyr ereill maỽr eu haỽdurdaỽt. ar llythyreu.
22
ar|chartrasseu gantunt. a|chraffter yr|aruoll ar
23
amot ar gỽrogaeth a|ỽnaeth yndunt. A|llauury+
24
aỽ o|bop medỽl a|charyat a gỽeithret y alỽ drach+
25
euen. A gỽedy na dygrynoi idaỽ hynny o|dim.
26
dygynullaỽ llu a oruc a galỽ gann mỽyhaf ty+
| « p 48v | p 49v » |