NLW MS. Peniarth 11 – page 28r
Ystoriau Saint Greal
28r
1
y rei y dylyy di gewilydyaỽ kythreulyeit uffern. a|gỽassa+
2
naethu duw. a|gỽneuthur y orchymynneu yn herwyd dy aỻu.
3
ac ny wdost di meint y rodyon a roes duỽ ytt. ac o|r bu e+
4
halaethyach efo ỽrthyt ti noc ỽrth un araỻ. a|th|wyn* dithev
5
o|r|kythreul y ganthaỽ. ef a|dylyit dy gerydu di yn uaỽr. Ac
6
am hynny ymogel di rac gaỻel dy gyffelybu y|r gỽassanae*+
7
thwrr drỽc. yr hỽnn y mae yr|euengyl yn traethu am·danaỽ.
8
Pan|doeth y gỽrda gynt a galỽ y dri|gỽeis attaỽ. a roi att vn
9
besaỽnt o eur. ac y|r|ỻaỻ. dỽy. ac y|r trydyd y roes pump.
10
a|r hỽnn a|gymerth y pump. ef a|aeth y enniỻ ac ỽynt yn
11
gymeint a|phan|doeth geyr bronn y veistyr y gyfrif ac ef.
12
ef a|dywaỽt. Arglwyd heb ef. ti a|roeist attaf|i bump besa+
13
ỽnt o eur. ac weldy yma ỽynt. a|phump ereiỻ a enniỻeis in+
14
neu attunt ỽynteu. A|phan gigleu y meistyr y parabyl hỽn+
15
nỽ ef a|dywaỽt dabre ragot was da. a dos y lewenyd dy arglỽ+
16
yd. A|gỽedy hynny ef a|doeth yr hỽnn a gymerassei dỽy ve+
17
saỽnt. ac a|dywaỽt. arglỽyd heb ef ti a|roeist attaf|i dwy be+
18
saỽnt o eur. weldy yma ỽynt a|dỽy ereiỻ a|enniỻeis inheu
19
attunt ỽy. ac yna y arglwyd a|dywaỽt ỽrthaỽ ual y dywaỽt
20
ỽrth y ỻaỻ. Eissyoes y gwas ny chymerassei namyn vn
21
besaỽnt ef a|gudyaỽd y aryan yn|y dayar ac a|gilyaỽd yme+
22
ith y ỽrth y arglỽyd heb lyuassu ymdangos idaỽ. Hỽnnỽ
23
vu was drỽc anghywir ỻe ny bu dim o rat yr yspryt glan
24
eiryoet. Ac a|wdost di paham yd wyf|i yn|dywedut hynn ỽr+
25
thyt ti. o achaỽs y rodyon ỻawer a roes yn arglwyd ni at+
26
tat ti. kanys ef a|th|wnaeth duỽ di yn ragorussach o bryt ac
| « p 27v | p 28v » |