NLW MS. Peniarth 11 – page 179v
Ystoriau Saint Greal
179v
1
ovynhau a|wnaeth ef nerth paredur a|e gedernit. Ac ef a
2
bofes* heuyt y vot yn eil goreu marchaỽc o|r hoỻ vyt. ac am
3
hynny ny lyuassaỽd aros mỽy o|e|dyrnodeu ef. ac ymchoel ̷+
4
ut a|oruc ef tu a|e|lestyr a|bỽrỽ neit y myỽn. a|gythyaỽ y ỻestyr
5
y|r mor y novyaỽ. a pharedur a|e hymlityaỽd hyt y mor a
6
drỽc vu ganthaỽ y|diangk. ac odyna dywedut ỽrthaỽ. ha vren*
7
drỽc ffals. na|dywet ti vyth vy hanuot i o|th genedylaeth di.
8
kanys ny ffoes neb o genedyl vy mam i yr vndyn eiryoet
9
namyn tydi. a|mi a|enniỻeis yr ynys honn arnat. ac na|vit
10
kyn hyet gennyt vyth dy amkan a|dyuot idi. A|r brenhin
11
a|aeth ymeith heb uedỽl ganthaỽ ar|dyuot drachevyn. a ̷
12
pharedur a|doeth drachevyn hyt yn ỻys y vrenhines. yr ho˄n
13
a|wnaeth ỻewenyd maỽr idaỽ. ac a|ovynnaỽd idaỽ a|vriwassei
14
Ac ynteu a|dywaỽt na briwassei haeach. Ac yna diosc y ar ̷+
15
ueu a|wnaethpỽyt y amdanaỽ. a gỽisgaỽ glan|diỻat ymda+
16
naỽ. a|r vrenhines a|orchymynnaỽd y baỽp vot yn vvyd idaỽ
17
ef. ac ỽrth y orchymynneu. Yma y|ma˄e yr ymdidan yn|tewi
18
am baredur. ac yn|traethu am arthur. ~
19
L lyma weithyon ual y traetha y kyuarỽydyt ac y
20
dywit* vot arthur ym|pen voisins. a|ỻawer o varcho+
21
gyon urdolyon y·gyt ac ef. a gỽalchmei a|laỽnslot gỽedy
22
dyuot adref. o|r achaỽs yd oed lewenyd maỽr yn|y ỻys. yna
23
y brenhin a|ovynnaỽd y walchmei a|welsei loaỽt y vab yn ỻe
24
o|r y buassei yndaỽ. A gỽalchmei a|dywaỽt nas gỽelsei ef. Ry+
25
ued yỽ gennyf heb y brenhin beth a|daruu idaỽ. kanys ny chi+
26
glef|i chỽeith y ỽrthaỽ ef yr pan|ladaỽd kei logrin gawr yr ̷
27
hỽnn y duc ym y penn. a|minneu a|e|diolcheis idaỽ. kanys ef
| « p 179r | p 180r » |