LlGC Llsgr. 3036 (Mostyn 117) page 221

y ỽrth y gollewein. Ar arth a dywedent a arỽydoccaei

ryỽ aghynuil o gaỽr a ymladei ac ef. A budugolyaeth

y| dreic a arỽydoccaei y| goruot ar uudugolyaeth a da+

mweinei y arthur. Ac nyt uelly hagen y tebygassei

arthur bot y dehogyl. namyn o achaỽs yr ymgyf+

aruot a uei y rydaỽ ef ac amheradyr* rufein. A phan

oed waỽr dyd trannoeth y| doethant y aber barber+

floi y tir llydaỽ. Ac yn| y lle hỽnnỽ tynnu eu pebylleu

ỽrth arhos eu llu ygyt. AC val yd oedynt guedyr

discynnu. nachaf kennadeu o|r wlat yn dyuot

y venegi y arthur ry| dyuot kaỽr enryued y veint

y ỽrth eithauoed yr yspaen. Ar| gribdeilaỽ elen nith

hywel vab emyr llydaỽ y treis y| ar y| cheitweit. A

mynet a hi hyt ymynyd mihagel. A mynet po+

byl y wlat yn| y ol. Ac ny dygrynoynt ỽy dim yn| y

erbyn nac ar uor nac ar| tir. Os ar y mor yd erlynynt

ỽy ef. llenwi eu llogeu a| wnaei o| gerryc ac eu sodi.

OS ar y tir. a delhei attaỽ a| ladei. A guedy dyuot

y nos honno megys amgylch yr eil aỽr. kyuodi a

wnaeth arthur a chei a bedwyr ygyt ac ef a chych+

wyn yn distaỽ o plith y llu parth ar mynyd y dywe+

dydoed idaỽ yr| uynet y kaỽr idaỽ. Kymeint yd ym+

diredei arthur yn| y nerthoed ac na thebygei bot

yn| reit idaỽ seithugyaỽ llu yr ryỽ agkynuil hỽn+

nỽ. A guedy eu dyuot yn gyfagos yr lle. Sef y| gue+

lynt deu vynyd. A| thanllỽyth ar pop vn o·nadunt.

Ac ethryccig o|r mor a oed y·rydunt. Ar mynyded

NLW MS. 3036 (Mostyn 117) – page 221