Breudwd Welsh Prose 1300-1425
Cymraeg

Oxford Jesus College MS. 119 (The Book of the Anchorite of Llanddewi Brefi) – page 139v

Gwlad Ieuan Fendigaid

139v

1
chrỽynn. a|brethyn a ymborth dynyon. Ar tired
2
hynny tired coedaỽc ynt megys helygos deỽ.
3
ac yn llaỽn oll o seirff. a|phann aeduet y|pybyr
4
y|doant y|pobloed oll o|r brenhinaethev nessaf.
5
Ac y|dygant gantunt vs a mynỽs a gỽrysc
6
sych ar yr enynnant y|coet gylch o|gylch. a
7
phann vo diruaỽr ỽynt yn chỽythu y|dodant
8
tan o|vyỽn ac o|vaes yr coet hyt na allo vn
9
o|r seirff vynet ymaes. Ac velle y|myỽn y|tan
10
ỽedyr ennynner yn gadarnn y|byd marỽ y|se+
11
irff oll. onyt y|rei a|gaffo y|gogofeu. A gỽedy
12
y|darffo y|tan oll. y|deuant paỽb a gỽr a|gỽreic
13
a|bychan a|maỽr. a|phyrch yn|y dỽylaỽ. Ac y|doant
14
yr coet. ac y|byrryant y seirff oll ymaes o|r co+
15
et. ac y|gỽnant gruceu vchel ohonunt hyt
16
yr aỽyr. a gỽedy darffo vdunt ysgytỽaỽ y|my+
17
nỽs hỽnnỽ y|sychir y|graỽn a gynnuller o|blith
18
y|briỽyd hynny. Ac y|berỽir y|pybyr. ba|ffuryf
19
hagen y|berỽir. ny edir y|dyn gỽlat arall y|ỽy+
20
bot. ar coet hỽnnỽ ysyd ossodedic ydan vynyd
21
olimpy. Ac odyno y|mae ffynnyaỽn ardechaỽc*
22
yn dyuot. A|phob ryỽ vlas ysyd ar|y|dỽfyr hỽnnỽ.
23
A symut y vlas a|ỽna ym|pob aỽr o|r dyd ar nos.
24
Ac odyno y kerda nyt pellach noc ymdeith tri+
25
dieu y|vrth paradỽys yr honn y|gyrrỽyt adaf