Cardiff MS. 1.362 (Hafod 1) – page 51r
Brut y Brenhinoedd
51r
1
lad y getymdeithon uelly trỽy vart*. Sef y kauas ynteu paỽl
2
da kadarn. Ac a hỽnnỽ py vn pynhac o|r saesson a gyfarffei ac
3
ef; yny bei vriwedic y pen a|e emenhyd y anuonei parth ac uf+
4
fern. Ac ar paỽl bendigeit hỽnnỽ y briwei ef y pen y vn. y
5
yscwydeu y arall. y vreicheu y arall a|e dỽylaỽ y arall. y tra+
6
et a|e esceired y|wrth y gorff. Ac ny orffowyssỽys eidol ar ru+
7
thur honno; hyny ladaỽd deg wr a|thri vgeint ar vn paỽl
8
hỽnnỽ. A gỽedy gỽelet ohonaỽ na allei ef e|hun gỽrthỽy+
9
nebu yr niuer maỽr hỽnnỽ. kymryt y ffo a|oruc hyny do+
10
eth y dinas e|hun. A llaỽer a|syrthỽys yna o|pop parth. Ac
11
eissoes yr|yscymun uudugolyaeth honno a|gafas y saesson.
12
Ac yr hynny eissoes ny ladassant ỽy wrtheyrn. namyn y gar+
13
charu a chymell arnaỽ rodi vdunt y dinassoed ar kestyll ca+
14
darn o nys* prydein yr y|ellỽg. Ac yna y rodes gỽrtheyrn u+
15
dunt pop peth a uynassant yr y|ellỽg. Ac yna y kymyrth
16
y saesson y gantaỽ lundein a chaer efraỽc. A lincol. A chaer
17
wynt. a llad eu kiỽtaỽtwyr yn llỽyr. megys y lladei vlei+
18
deu deueit gỽedy ass|adawhei eu bugeil. A gỽedy kymryt
19
kedernyt aruoll y gantaw; yd ellygỽyt. a gỽedy gỽelet o
20
ỽrthern y truan aerua honno ar priodoryon yr ynys y
21
gan yr yscymun pobyl saesson. Sef a|wnaeth ynteu kyly+
22
aỽ parth ac emyleu kymry kany wydyat peth a|wnaei
23
yn erbyn yr yscymun popyl honno.
24
AC yna galỽ a|oruc gỽrtheyrn attaỽ holl doethon a hen+
25
aduryeit yr ynys. a gouyn udunt peth a|wnaei
26
wrth hynny. Ac yna y kyghoret idaỽ adeilat kastell kadar+
27
naf a allei yn|y lle kadarnaf a|gaffei megys y bei hỽnnỽ
28
yn amdiffyn idaỽ. can kollassei y lleoed cadarn oll o|e gyuo+
29
eth. A gỽedy crỽydraỽ ohonaỽ llaỽer o|leoed y|geissaỽ lle
| « p 50v | p 51v » |