NLW MS. Peniarth 12 part ii – page 41v
Ystoria Lucidar
41v
1
Magister Y gadỽ ganthunt a|wnant ỽy oỻ y hynny. ac am hynny
2
y kymerant ỽy eu kyfloc yma. am y rei hynny y|dywedir.
3
a ymdiretto o|e olut megys deveit yn uffern y gossodir. ac
4
angeu a|e pyrth. discipulus Beth a|vyd y|r rei kywreint. Magister Mynet
5
haeach yng|kyvyrgoỻ. kanys pob peth o|r a|wnelont drỽy
6
dỽyỻ y gỽnant. ac am y rei hynny y dywedir. Nyt oes dywyỻ+
7
ỽch na gỽasgaỽt angeu a|gudyo y neb a|wnel ennwired. discipulus
8
Beth a|dywedy di am y penyt·wyr. Magister ar gyhoed na alỽ di ỽ+
9
ynt yn benytwyr. namyn yn wattwarwyr ar|duỽ. kanys keỻ+
10
weiryaỽ duỽ a|wnant ac eu tỽyỻaỽ e|hunein. a|ỻawenhau
11
a|wnant pan wnelont drỽc. a|hynny yn|y petheu gỽaethaf.
12
pan ladont dynyon y kanant. pan|wnelont butteinrwyd y
13
ỻawenhaant. pan|dynghont annudoneu neu pan|letrattaont
14
y chwardant. pan vont yn|y penyt y keissyant amryuaely+
15
on anregyon. ac y medwant o amryuaelyon wirodeu. a chym+
16
ryt yn vỽy noc ereiỻ a|wnant gormodyon. ac am y rei hynny
17
y dywedir. Yr arglỽyd a|dyry eu kic y|r pryfet ac y|r tan ny
18
diffyd vyth. discipulus Beth am y|dynyon ffol. Magister Y·gyt a|r dynyon
19
bychein y kyfrifir ỽynt. kanny wdant gỽneuthur gỽeỻ noc
20
a|wnant. ac am hynny y dieithrir ỽynt. discipulus Beth am lafur+
21
wyr y daear. Magister Rann vaỽr o·nadunt a iacheir. kanys buche+
22
dockau a|wnant yn|vul. a phorthi pobyl duỽ oc eu chwys me+
23
gys y dywedir. Gwynn y vyt a vỽytao o lafur y dwylaỽ. discipulus Beth
24
am y rei bychein. Magister Rei heb dywedut hyt ar deirblỽyd. a
25
hynny gan gael bedyd a vydant iach. Megys y dywedir. Y
26
ryỽ·rei hynn bieu teyrnas nef. rei pumlỽyd a mỽy a|ant
27
yng|kyvyrgoỻ. ereiỻ a|dieingk megys y gỽelir ychydic a iach+
28
eir.
| « p 41r | p 42r » |