BL Additional MS. 19,709 – page 63v
Brut y Brenhinoedd
63v
1
y ewyỻus a|phressỽylaỽ y·gyt yn rvymedic o garyat. a ̷
2
mab a merch a vu udunt. ac enỽ y|mab uu arthur
3
ac enỽ y verch vu anna. a honno vu vam walch+
4
mei a|medraỽt. ac a vu wreic y leu vab kynuarch
5
herwyd gỽirioned yr ystoria.
6
A c odyna gỽedy mynet dydyeu ac amsero+
7
ed heibav yn diruaỽr glefẏt y dygỽydỽẏs
8
y brenhin. a gvedy y vot veỻy drỽy lawer o amser
9
blinaỽ a|wnaethant y gvyr a oed yn kadỽ octa ac
10
offa y|rei a goffayssam ni uchot. a|fo gyt ac vynt
11
hyt yn germania ac ofyn ac aruthred a|aeth o a+
12
chavs hẏnnẏ drvy yr hoỻ teyrnas. kanys y|chwedyl
13
a gatarnhaei eu bot gvedy kyffroi hoỻ germania
14
a ry|paratoi diruavr lyges vrth dyfot y distryỽ hoỻ
15
ynys. prydein. a hynny a daruu. kanys vynt a ymhoelas+
16
sant gyt a diruavr lyges ac anneiryf o nifer gan+
17
tunt ac yn yr alban y disgynassant ar dinassoed
18
a|r kiỽdaỽtwyr o|tan a|hayarn a dechruassant eu
19
molestu ac eu hanreithaỽ. ac vrth hynny hoỻ lu
20
ynys. prydein a orchymynỽẏt y leu vab kynuarch vrth
21
geissaỽ gỽrthlad y|r gelynyon a|r ỻeu hỽnnỽ jarỻ
22
kaer lyr oed y|marchaỽc gvychraf a deỽraf a|chlot+
23
uorusaf a doethaf oed ac aeduet o oet ac o|achaỽs
24
y|molyant a|r deuodeu da hynny yn|y glotuori
25
y brenhin a|rodassei anna y verch idaỽ a ỻywodra+
26
eth y|teyrnas hyt tra yttoed y brenhin yn gor+
27
wed yn|y glefẏt. a|r gvr hỽnnỽ gỽedy mynet
| « p 63r | p 64r » |