NLW MS. Peniarth 9 – page 10r
Ystoria Carolo Magno: Rhamant Otfel
10r
1
doethineb a deuth yn genat y Garsi vrenhin.
2
Ac a varchoccaỽys drỽy paris yny doyth hyt
3
yn llys y brenhin. ac a disgynnỽys yn|y porth.
4
Ac odyno y dyrcheuis y uynyd ar hyt y grad+
5
eu tu ar neuad. Oger o denmarch. A gỽallter
6
o orreins. A naim tywyssaỽc kadarn a gy+
7
uaruuant ac ef. ac ynteu a erchis udunt
8
hỽy dangos charlys idaỽ. Ac a venegis ud+
9
unt y vot yn genat y vrenhin niss karei
10
ef o werth vn bỽttỽn a chyntaf ei hattebaỽd
11
Gỽallter weldy raccỽ ef yn eiste heb ef y gỽr
12
kyuyslỽyt ar varyf vaỽr ar wisc du ymda+
13
naỽ. ar gỽr ys yn eiste ar y neillaỽ ar vantell
14
yscarlla coch ymdanaỽ. Rolond y nei ef yỽ hỽn+
15
nỽ. Ac oliuer iarll yỽ y gỽr ys yn eiste ar y llaỽ
16
arall idaỽ kedymdeith rolond. Ar deudec gogy+
17
uurd ys yn eiste o bop parth udunt hỽynteu
18
wedy hyny. Myn mahumet heb y sarasin bell+
19
ach mi a adwen charlys. a phoet tan drỽc a
20
fflam wyllt a losco y varyf ac a hollto y gorff.
21
drỽy gledyr y dỽyuron hyt y sodleu. Ac y+
22
na dyuot racdaỽ gyr bron y brenhin a oruc
23
val kynt a dywedut ỽrthau val hyn Char+
24
lys heb ef gỽrandaỽ arnaf i. kennat ỽyfi
25
yr brenhin cadarnhaf a uu erioet yg kyure+
26
ith yr yspayn gỽr nyth annerchỽys di o dim
27
canys dylyei y vlyghau ohonot. A llidiaỽ
28
mahumet a minheu y gỽr poet val y credaf
29
vi yndaỽ ef a|th ladho di ar holl gedymdeithas
| « p 9v | p 10v » |