NLW MS. Peniarth 8 part i – page 43
Ystoria Carolo Magno: Chronicl Turpin
43
1
ac yn yr ysbryt glan. Yn|y personev hynny y|may priodol+
2
der. Yn|y dwywolaeth y|may vvydder. Yn|y medyant
3
yd adolir vngyffelybrwyd ynt. Trindawt duw ac vn ̷+
4
dawt a adola yr engylyon yn|y nef. A thri a|weles eure ̷+
5
am ac vn a|adoles. Dangos eb y|kawr ymi pa furyf y
6
gallej vot tri yn vn. Mi ay dangossaf eb y|rolant trwy
7
greaduryeit dynyawl val y|may tri pheth yn|y delyn pan
8
ganer. Nyt amgen. kauyn a|llory a|thannev ac vn delyn
9
yw. Val hynny y|may tri pheth yn duw tat a mab ac ys ̷+
10
bryt glan ac vn duw yw. Ac yuelly y|may tri pheth yn|y
11
gneven almant. risgin. A blisgin a chnewillin ac vn
12
almant yw. Val hynny y|may teir person yn|y nef ac vn
13
duw yw. Yn yr olwyn y|may tri ffeth. both. ac adaned a|ch ̷+
14
amegeỽ ac vn olwyn yw. Ynot tu|hvn y|may tri ffeth korff
15
ac aylodev ac eneit ac vn dyn wyt. Yuelly y|dywedir trindawt
16
ac vn duw yw. Eb y|ffarrakvt yr awr honn y|dyallaf i bot duw
17
yn dri ac yn vn. Pa furyf hagen y|ganet tat y|mab mal
18
y|kedernhey di nys gwnn i. A gredy di eb y|rolant wneithur
19
o|duw adaf. kredaf eb y|kawr. Vegis y|bv duw hep anedigaeth
20
idaw na dechrev val hynny y gallws vot mab idaw val y
21
mynnws val na eill dyn y|dywedut kyn amseroed. Ac yn yr
22
heul y|may tri pheth. Gwynder A|gwres. A|goleuat. Ac vn hevl
23
yw. Da yw gennyf a|dywedy eb y|kawr. Pa furw hagen y|ga ̷+
24
llej ymwneithur yn dyn yr hwnn a oed duw kwbyl y|may an ̷+
25
wybot ym. Yr hwnn a orvc y|nef ar dayar eb y|rolant a oruc
26
pob peth ac ay kreawd. A hwnnw a orvc y|uab yn dyn yn|y wyry
27
hep gyt dynyawl namyn oy gyssegredic ysbryt ef. hynn yssyd
28
ryved gennyf i eb y|kawr pa delw y|genit ef ual y|kedernhey
29
di hep gyt dynyawl o vrv y|wyry. Duw eb y|rolant ay gorvc
« p 42 | p 44 » |