NLW MS. Peniarth 35 – page 70v
Llyfr Cynghawsedd
70v
1
A oes deu uroder un uam un tat a| deleho y| ne+
2
yll o·honunt tref tad ar llall heb y delehu oed
3
o keys gỽr mab tra uo dyn byd. a gỽedy hynny
4
menet o·honaỽ yg creuyd a caffael mab arall
5
o|r un wreic. ny dyly y mab hỽnnỽ tref tat ar
6
llall a|y dyly. O|r genyr deu uab yn un torllỽith
7
ny dylyant namyn kymeynt ac vn. Vn dyn
8
a| dyly galanas ep kyfran a nep. sef yỽ hỽnnỽ
9
argluyd am ynuyt a ynuytto yr yn uab yna
10
keys yr alanas yn dyran. Vn kyfreith y byt eneit
11
uadeu dyn ymdaney. kyfreith a| uo eysseu o alanas.
12
Vn lle y bernyr oet kyfreithaul am lledrat yn llaỽ
13
nep talu un o|r tri ardelu kyfreithaul. o byd gỽreic
14
ueichaỽc yn daly ardelỽ o|e beychogy. oet
15
a dyly yny angho. Vn lle y dely estraỽn talu
16
galanas kymeynt a brawt neu keuenderỽ
17
a dyg ed galanas ar dyn a chyn talu yr ala+
18
nas dỽyn y llofrud y tad arall ac yna y dely
19
y genedyl y bu ef gyt ac wynt talu yr alanas
20
ac wynt yn estronyon. A llyna y lle y dele estra+
21
ỽn talu galanas. Try dyn nyt geyr eu ge+
22
a oyni. krefydỽr a| torho y profes. A| tyst
23
a dycco cam tystollyaeth. A llỽfyr kynneuo+
24
dut. Tri achos y kyll dyn tref y tad. Murn
25
a kenllỽyn. a brad arglỽyd. ac na allho
26
y chynhal nay chyllydaỽ.
| « p 70r | p 71r » |