NLW MS. 3036 (Mostyn 117) – page 153
Brut y Brenhinoedd
153
1
hafren y sathyr y penn. Dyn a damblygir y gan leỽ
2
byỽ. A lluchaden eur a dalla y rei a edrychont. yr ary+
3
ant a wynha yn|y gylch. Ac amryualyon pressureu
4
a ulinhaa. Yny bo
5
y rei marwaỽl. Yny bo eb uygedic y nef yd edry+
6
chant ar y dayar. Y syr a dỽc y gantunt eu drych.
7
Ar gnotaedic redec a|wascarant. Yn yd irllonhaho
8
y rei hynny y lloscant yr ydeu. A gulybỽr y kytrỽy+
9
medic a neckeir. Y gureid ar kageu a ymchoelant
10
y chwyl. A newydder y gueithret a uyd anryued+
11
aỽt. Echtywynnedigrỽyd mercurius a|wanha.
12
Ac aruthred uyd yr neb a|e hedrycho. Stilbon a|sym+
13
ut taryan arcadie. Penfestin Mars a eilỽ venus.
14
Penfestin Mars a|wna guascaỽt. kyndared Mer+
15
curius a gertha y teruyneu. Orion hayarnaỽl a
16
symut y gledyf. Y moraỽl heul a vlinha yr|ỽybyr.
17
Jubiter a|gertha y ganhyatedigyon lỽybreu. A ve+
18
nus a edeu y gossotedigyon linyeu. Kyghoruynt
19
sadỽrn seren a dygỽyd. Ac o grỽm gryman y llad
20
y rei marwaỽl. Deu whech y rif ty y syr a gỽyn ker+
21
det y letywyr. Gemini a|ebryuygant eu gnotae+
22
digyon damgylchyneu. Ar kelỽrn a alwant yr
23
fynhoneu. Mantaỽl y punt a dobynya yg kam.
24
hyny doto y maharen y|grymyon gyrn y danaỽ.
25
lloscỽrn y sarff a greha lluchadeneu. Ar cranc a
26
amrysson ar heul. Y wyry a escyn kefyn y seythyd.
27
A thywyllaỽ a wnant guerynolyon ulodeuoed.
| « p 152 | p 154 » |