NLW MS. 3035 (Mostyn 116) – page 115v
Brut y Brenhinoedd
115v
1
a| e ranaf ac a| lafuryaf y dỽyn drachefyn ỽrth sened
2
A Gỽedy datkanu y ỻythyr hỽnỽ rac [ rufein.
3
bron arthur a| r brenhined a| r tywyssogyon a| oed+
4
ynt y·gyt ac ef. ef ac ỽynt a aethant y·gyt hyt
5
yn tỽr y keỽri y gymryt kygor py beth a wnelhynt
6
yn erbyn y kymynediỽeu hynẏ. Ac val yd oedynt yn
7
eskynu gradeu y tỽr. kadỽr Jarỻ kernyỽ megys gỽr
8
ỻawen y vedỽl a dywaỽt yr ymadraỽd hỽn. kyn no
9
hyn ofyn a| ry| fu arnaf. i rac goruot o lesged y brytany+
10
eit o| hir hedỽch a choỻi clot eu milỽryaeth o| r hon y
11
buant ỽy eglurach no neb o genedloed y byt yn hoỻ+
12
aỽl. Sef a·chaỽs yỽ. yn| y ỻe y peiter o arueru ac arueu
13
ac o| r ỽydbỽyỻ a| r daplas a serch gỽraged nyt oes pe+
14
trus yna ỻygru o| lesged py beth bynac a ry| ffei o nerth
15
yno a chedernit ac enryded a| chlot. kanys pump mly+
16
ned hayach a| r ethynt yr pan yttym ni yn arueru
17
o| r ryỽ seguryt hỽnnỽ a| r digrifỽch a heb arueru o
18
diỽyỻ ymlad Ac ỽrth hynnẏ duỽ yr mynu an ryd+
19
hau ni o| r ỻesged honno a gyffroed gỽyr rufein yn
20
an| herbyn. hyt pan alwem ni an clot ac an milỽryaeth
21
ac y hen gynefaỽt. A gỽedy dywedut o gadỽr yr yma+
22
drodyon hynẏ a| ỻawyr o| r rei ereiỻ. o| r diwed ỽynt a
23
doethant y| r eisted·uaeu A gỽedy eisted o| paỽb yn| y le
24
Arthur a dywaỽt val hyn ỽrthunt. vyg| ketymdeithon
25
ar rỽyd ac ar dyrys molyant y| rei a profeis hyt hyny
26
Ac yn rodi kyghoreu ac y| milỽryaeth Ac yr aỽr hon o
27
vn vryt rodỽch aỽch kygor Ac yn doeth racuedylyỽch
28
py beth a vo Jaỽn y atteb yn erbyn yr attebyon hyn
29
kanys py beth bynac a| racwelher yn da yn| y blaen
30
y gan doethon. pan del ar weithret. haỽs vyd y diodef
| « p 115r | p 116r » |