NLW MS. Llanstephan 4 – page 31r
Buchedd Beuno
31r
1
dodes ỽrth y corff. a|thannu y vanteỻ
2
e|hun ar hyt y corf. a dywedut ỽrth y
3
that a|e mam a|oedynt vch y phenn yn|y
4
chỽynaỽ. Tewch origyn heb ef a|gedỽch hi
5
ual y|mae yny darffo yr offeren. a beuno
6
yna a|aberthaỽd y duỽ. a phan|daruu
7
yr offeren y vorỽyn a|gyuodes yn hoỻiach
8
ac a|sychaỽd y chwys y ar y hỽyneb. ac
9
a|e gỽnaeth duỽ a beuno hi yn hoỻiach.
10
Yn|y ỻe y syrthyaỽd y gỽaet ar y daear
11
y kyuodes ffynhaỽn odyno. a|r ffynhaỽn
12
honno hyt hediỽ yssyd yno yn rodi gware
13
a iechyt y dynyon ac aniueileit o|e hein+
14
eu a|e clỽyfeu. a|r ffynhaỽn honno a|en+
15
wit o enỽ y vorỽyn. ac a|elwit ffynhaỽn
16
wenvrewy. a ỻawer o|r a|welsant hynny
17
a gredassant y grist. ac vn o|r rei a|greda+
18
ỽd yna vu gatuan vrenhin gỽyned.
19
a hỽnnỽ a rodes y veuno lawer o|dir a
20
daear. A gỽedy marỽ katuan yd aeth
21
beuno y ymwelet a|chatwaỻaỽn uab
22
katuan a|oed vrenhin gỽedy katuan.
23
ac erchi a|oruc beuno tir y gatwaỻ+
24
aỽn. kanyt oed idaỽ yn|y|kyfamser
25
hỽnnỽ le y wediaỽ duỽ nac y bressỽylaỽ
26
yndaỽ. Ac yna y brenhin a rodes y veuno
| « p 30v | p 31v » |