Oxford Jesus College MS. 119 (The Book of the Anchorite of Llanddewi Brefi) – page 39v
Ystoria Lucidar
39v
1
dyỽedir. Mi a|gyffessaf ytt vy agkyfyaỽnnder
2
A|thi a vadeuy ymi vy ennỽired. Petỽeryd yỽ;
3
drỽy dagrev megys y|dyỽedir. gỽynn eu byt
4
y rei a|gwynant. kannys ỽynt a didenir. Y|py+
5
met drỽy alussen. megys y|dyỽedir. Val y|di+
6
ffyd y|dỽfuyr y|tan. Velle y|diffyd yr allussen y
7
pechaỽt. Chỽechet. drỽy vaddeu ohonam yr
8
nep a|wnnaeth cam ynn. megys y|dyỽedir.
9
O madeỽch chỽi yr dynyon ev camev. ych|tat
10
a|e maddev y|chỽitheu. Seithuet. yỽ; drỽy
11
weithredoed caryat. megys y|dyỽedir. kary+
12
at a|gud lluossogrỽyd pechodeu. Beth a|dal
13
kyffes. kymeint ac a|dal bedyd. kannys me+
14
gys y|madeuir y|pechodeu dechreuaỽl yn|y be+
15
dyd. Velle y|madeuir y|pechodeu gỽeithredaỽl
16
drỽy gyffes. A oes varnn. Dỽy varnn yssyd
17
y|duỽ. vn yman drỽy gyffes. Ar llall y|dyd di+
18
ỽethaf drỽy vraỽdỽr. Ar|diaỽl yn guhudỽr.
19
Ar dyn yn gamgylus. yna yntev y|byd yr offei+
20
rat viccar krist yn vraỽdỽr. Ar dyn yn guhv+
21
dỽr. A|e gytwybot yn|y vrathv. A phỽy|bynnac
22
a|varnner yma. ny chuhudir yno megys y
23
dyỽedir. Ny|varnn duỽ ar arglỽyd dỽyỽeith
24
yr vn peth. Ac yn lle arall y|dyỽeit. O barnỽn
25
ni arnam. ny bernnir eilỽeith arnam. A rym+
| « p 39r | p 40r » |