Cardiff MS. 3.242 (Hafod 16) – page 10
Rhinweddau Croen Neidr, Y Misoedd
10
1
dirgeledic o|r a|ovynno megys y gỽnaethoed o gỽbyl
2
mal ỽrth y beriglaỽr. Naỽuet yỽ; pỽy bynnac a vyn+
3
no gỽassanaethỽr kywir neu negesswas idaỽ; gỽni ̷+
4
et ychydic o|r ỻudỽ yn|y|diỻat yd aruero ohonunt.
5
ac ef a vyd kywir tra barhaont a|diwyt yn|y negesseu
6
drỽy ffydlonder. Decuet yỽ; o|r byd ar neb dyn ofyn y
7
wenwynaỽ. dodet beth o|r ỻudỽ ar|y vort ac ef a|difflan+
8
na y gỽenwyn mal ỻuchet ysgafyn. myỽn kawat
9
gorwynt ar wyneb y daear Vnuet ar|dec yỽ; pỽy bynnac
10
a vynno y garu yn vaỽr; gỽybydet vot y laỽ yn lan
11
a|dyget yndi ychydic o|r ỻudỽ. a charedic vyd gan baỽb
12
o|r a|e gỽelo gan dyngu y|r|arglỽyd y vot yn garedic.
13
Deudecuet yỽ; o|r byd claf gỽahanaỽl anwybodedic
14
ar|y vot yn glaf ac yn|dirgeledic arnaỽ; bỽryet ychy+
15
dic o|r ỻudỽ hỽnnỽ yn vynych yn|y vỽyt. ac o hynny
16
aỻan nyt argyweda idaỽ yn vỽy no hynny vyth
17
megys y tysta yr aỽdurdaỽt ry vot hynny yn wir
18
gan achỽaneckau yr ymadraỽd. Pỽnyt ryued arglỽ+
19
yd bot claf gỽahan yn|yr ynys y kaffer nadred gan
20
welet y grymyant a|r miragyl a|rodes duỽ yn|y byt y
21
waret ar baỽb drỽy amryỽ geluydodeu. et cetera.
22
*Mis ionaỽr hanner nos yd ennyn y ỻoer. Mis chỽ+
23
efraỽr ntat gỽedy hanner nos. Mis maỽrth ̷
24
aỽr hanner nos. Mis ebriỻ; aỽr uoredyd. Mis mei; aỽr
25
ych dyd. Mis meheuin; y dryded aỽr o|r|dyd. Mis gor+
26
ffenhaf aỽr hanner dyd. Mis aỽst; yr aỽr gyntaf o|r|dyd
27
Mis medi; aỽr gỽedy hanner dyd. Mis hydref aỽr
28
Mis racuyr. y dryded aỽr gỽedy hanner dyd. Mis tachỽed aỽr ̷
29
kynn hanner nos.
The text Y Misoedd starts on line 22.
| « p 9 | p 11 » |