NLW MS. Peniarth 36A – page 21r
Llyfr Blegywryd
21r
1
ar vrathu dynyon or brath tri dyn ac nas
2
llatho y arglỽyd yna. y rỽymaỽ a dylyir
3
ỽrth troet y arglỽyd a raff o dỽy rywant.
4
ac yno y lad. a thalet gamlỽrỽ yr brenhin.
5
Ny thelir na dirỽy na chamlỽrỽ am e ̷+
6
deryn dof a lather neu a dyccer letrat.
7
namyn y werth yr perchen. Y neb a dycco
8
nyth hebaỽc; talet punt yr brenhin.
9
Gỽerth hebaỽc coch kyn mut. hanher punt
10
yỽ. Gỽedy tynher or mut mal yn wen. punt
11
a tal. Gỽerth hỽyedyd; pedeir ar| hugeint.
12
Nyth llamysten. Pedeir ar| hugeint a| tal.
13
yn goch deudec keinhaỽc a tal. Or byd gỽen
14
gỽedy mut. pedeir ar hugeint a tal.
15
Modrydaf gỽenyn. pedeir ar| hugeint
16
a| tal. kyn·heit vn ar pymthec a tal. Eil heit. deudec
17
keinhaỽc. Tryded heit. ỽyth keinhaỽc a| tal.
18
Heit a del or kynheit. deudec keinhaỽc a tal.
19
heit a del or eil heit ỽyth keinhaỽc a tal.
20
ac yn| y gỽerth hỽnnỽ y bydant hyt ỽyl
21
yr holl seint. Pob heit o kyn noc aỽst
22
hyt wedy gỽyl yr hollseint vn werth
23
vydant. nyt amgen pedeir ar| hugeint.
| « p 20v | p 21v » |