NLW MS. Peniarth 11 – page 55r

y gỽnaethpwyt y tỽrneimant. Y wybot pỽy amylhaf a|pha

vn oreu y varchogyon urdolyon. ae helieseR mab brenhin pe+

les. ae argus mab brenhin helyen. ac yr adnabot y neiỻ dylỽ  ̷+

yth y ỽrth y ỻaỻ. y peris helieser o|e|dylwyth ef dỽyn arueu

gỽynnyon. A|gỽedy ymwan onadunt y·gyt y rei gwynnyon

a|oruu kyt bei amlach y rei duon. ac am hynny mi a dyw+

edaf ytti beth a|arỽydockaa hynny. Duỽ sulgwynn yn|y vlỽ+

ydyn honn ual y gỽdost di y bu dỽrneimant y·rỽng marcho+

gyon urdolyon bydaỽl a|r rei nefaỽl. Y deaỻ ar hynny yỽ. Y

neb a|oed y|myỽn pechaỽt marwaỽl ynt y marchogyon bydaỽl.

a|r rei nefaỽl ynt y rei nyt yttoedynt gỽedy ymhalogi y|myỽn

pechodeu. Y tỽrneimant a|gyffelybir y bererindaỽt y greal. a|r

rei a gymerassant arnunt vot yn vn o|r keis. a|e medỽl ganthunt

ar y dayar ac ar y|byt. y|rei hynny a|eỻir eu kyffelybu y|r rei a|o+

edynt a|r arueu|duon ymdanunt. kanys y pechodeu a|oed yn

eu ỻiwiaỽ ueỻy. Y ỻeiỻ a|oedynt nefolyon a|r arueu gỽynnyon

ymdanunt kystal yỽ hynny a|oedynt diweir a|glan o vedỽl

a|gỽeithret. Eissyoes amlach oedynt y ỻeiỻ. a|gỽedy daruot de+

chreu y tỽrneimant. kystal yỽ hynny a|dereu* y tỽrneimant. ti

a|edrycheist ar y pechaduryeit. ac ar y gỽyrda. Ac yna ef a|we+

lit ytti daruot goruot ar y pechaduryeit. Ac yna titheu yr

hỽnn a|oed bechadur a|aethost yn nerth udunt. ac y ymlad

a|r gỽyr da. A|gỽedy ymlad ohonat dalym ti a vlineist yn gym+

meint ac na eỻeist dy|gymorth dy hun. ac yna y gỽyr da a|th

delis di ac a|th|dugant y|r forest. kystal yỽ hynny a|r nos araỻ

pan ymdangosses y greal ytti yd oedut yn gyn vlinet ac yn gyn

vutret