NLW MS. 3035 (Mostyn 116) – page 23r
Ystoria Dared
23r
1
gỽedẏ goleuhau y|dyd. A·gamemnon a elwis y|hoỻ
2
dywyssogyon y demyl minerua dỽywes y nerth
3
y wneuthur diolch am yr* dỽyweu ac eu moli ac
4
ef a erchis dodi yr hoỻ anreith y·gyt ac ef a|rannỽys
5
yr anreith y|baỽb yn gyffredin ac a ofynỽys hefyt
6
y|r ỻu a vynynt gynal aruoỻ ỽrth antenor ac eneas
7
y gỽyr a|wnathoed brat y|wlat vdunt a|r hoỻ lu a|dy+
8
wedassant y|mynynt ac yna a·gamemnon a|ganha+
9
dỽys vdunt eu hoỻ da. ac eneas a|diolches yn vaỽr
10
y|agamemnon ac y|dywyssogyon goroec y rei ereiỻ
11
a|choffau a|wnaeth antenor y|agamemnon yr annoc
12
o elenus vab priaf a|chassandra y|chwaer yr hedỽch
13
vyth ac eturyt elen vanaỽc a gadu cladu achil ac
14
ỽrth hyny agamemnon a ganhadỽys eu rydit y
15
elenus ac y gassandra. ac y elen vanaỽc a|eiroles
16
ar agamemnon dros ecuba ac andromacka y|gof+
17
fau y|bot hi eiroet yn garedic gantunt hỽy. ac o|gyf+
18
fredin gygor a·gamemnon a ganhadỽys y heneideu
19
y ecuba ac andromacka. a|r petwyryd dyd y|myn+
20
assant ỽy yn hoỻaỽl mordỽyaỽ tu a goroec ac rac
21
tymhestleu maỽr yn eu ỻudyas y goruu arnunt
22
drigyaỽ yno drỽy dalam o dieuoed. a|chalcas a dy+
23
waỽt o|e dewinadabaeth na daroed bodlonokau yn
24
gỽbyl yr vffernolyon dỽyweu ac yna y|deuth cof
25
polixena y pirr o achaỽ s yr hon y|ỻadyssit achil y
26
dat ef ac ef a|geissỽys hono yn ỻuoessogrỽyd y|rei
27
kaeth ac ny|s cauas ac y agamemnon ynteu a orch+
28
ymynỽys y|antenor y|cheissaỽ yn graff a|e dỽyn
29
attaỽ ef a gauas polixena yno yn ymgudẏaỽ. ac
30
ef a|e rodes hi y|pirr vab achil ac ynteu a|e tramyd ̷ ̷+
« p 22v | p 23v » |