Cardiff MS. 1.362 (Hafod 1) – page 65r
Brut y Brenhinoedd
65r
1
ryeni ar gollyssynt hir yspeit. A holl hynni y bren+
2
hin a oed ygkylch atnewydhau kyfreitheu y
3
teyrnas. A gỽneuthur yr eglỽysseu. A chadỽ gỽiryoned.
4
Ac odyna yd aeth parth a chaer|wynt. y lunyaethu
5
yno megys y lleoed ereill. Ac odyno yd aeth parth
6
ar uanachloc a oed keir|llaỽ kaer geradaỽc. yr hon
7
a elwir salsburi. y edrych y lle. y* edrych* y* lle* yr ladassit
8
y tywyssogyon ar ieirill ar barỽnyeit trỽy vrat yr
9
yscymun hengyst. yno yd oed vanachlaỽc a|thry
10
chant mynach o gỽuent yndi y mynyd ambri.
11
Sef oed yr ambri hỽnnỽ; y seilaỽdyr kyntaf a uu
12
yr uynachloc. A gỽedy gỽelet o|r brenhin y lle yd o+
13
ed y gỽyrda hynny yn gorffowis. kyffroi ar warder
14
a wnaeth y brenhin. Ac ellỽg y dagreu ac|ỽylaỽ. A
15
medylyaỽ a oruc gỽneuthur y lle hỽnnỽ yn anryde+
16
dus. kans barnedic oed gantaỽ bot yn teilỽg o voly+
17
ant ac ardurn* tragywydaỽl y tywarchen yd oed y
18
saỽl tywyssogyon dylyedogyon hynny yn gorffyỽys
19
gỽedy eu ry|lad yn wiryon yn amdiffyn treff* eu tat.
20
ac eu rydit. AC yna y dyuynỽyt ar emreis holl
21
seiri pren. a mein o|r a gaffat yn|y teyrnas. Ac yd er+
22
chit udunt oc eu holl ethrylith ac eu kywreinrỽyd
23
dychymygu gỽeith enrydedus ỽch pen y gỽyr hynny.
24
Ac a parahei yn tragywydaỽl. y gadỽ koff a molyant
25
y gỽyrda hynny hyt dyd braỽt. A gỽedy pallu eu eth*+
26
thrylith y paỽb o·nadunt. Ac na ỽydynt beth a|wne+
27
ynt. dynessau a oruc tramor archescob kaer llion.
28
ar y brenhin. a dywedut ỽrthaỽ val hyn. Arglỽyd
29
vrenhin heb ef ossit neb a allo dechymygu y ryỽ
| « p 64v | p 65v » |