NLW MS. Peniarth 12 part ii – page 49v
Ystoria Lucidar
49v
1
dugost vy eneit i o uffern issaf. ac y·dan y daear y mae.
2
a megys y cledir corfforoed pechaduryeit yn|y daear. veỻy
3
y cledir eneideu y rei drỽc y·dan y|daear. megys y dywedir
4
am y kyfoethaỽc. ef a|gladwyt yn uffern. Ef a|darỻeir bot
5
yn uffern naỽ poen gỽahanredaỽl. discipulus Pa rei ynt ỽy. Magister.
6
Kyntaf yỽ y tan. a gỽedy yd ennynno un·weith ny diffod+
7
ei yr|bỽrỽ y mor yn gỽbyl arnaỽ. a|chymeint yỽ ragor y wr+
8
es ef rac an tan ni. a gỽres an tan ni ỽrth lun y tan ar y
9
paret. a|r tan hỽnnỽ a|lysc ac ny oleuhaa. Yr eil poen yỽ
10
oeruel andiodefedic. ac a dywedir am·danaỽ. pei byrit
11
mynyd o tan yndaỽ yd ai yn vn iaen. am y|dwy|boen hyn+
12
ny y|dywedir. Yno y byd wylaỽ a|chrynu danned. kanys y
13
mỽc a|gyffry y ỻygeit y wylaỽ. a|r oeruel a beir y|r danned
14
grynu. Y dryded boen yỽ pryfet an·varwaỽl o seirff a dreigeu
15
aruthyr o olỽc a|chwibanat. ac eu bywyt yn|y fflam me+
16
gys pysgaỽt yn nofyaỽ yn|y dỽfyr. Y bedwared boen yỽ
17
drewyant an·niodeifyaỽdyr. ac nyt oes boen a aỻer y chyf+
18
felybu y honno o|drueni. Y bymhet boen yỽ dyrnodeu y
19
diefyl yn kuraỽ megys yrd yn kuraỽ haearn. Y chwechet
20
boen yỽ tywyỻỽch a|geffir ỻoneit dwylaỽ o·honaỽ. megys
21
y dywedir. daear y tywyỻỽch yỽ hi. ỻe nyt oes vn urdas na+
22
myn a·ruthred tragywyd yn|y gyfanhedu. Seithuet yỽ
23
kewilyd rac poeneu. kanys yno y bydant amlỽc y baỽp y
24
hoỻ weithretoed. ac ny eỻir eu kudyaỽ. Yr|wythuet yỽ a+
25
ruthred gỽelet y dievyl. a|r seirff a|r dreigeu. a chan wrych+
26
yon y tan y gỽelant ỽynteu. a|r germein truanaf gan+
27
thunt. ac yn udaỽ. ac yn wylaỽ. ac yn ymffust. Y naỽuet
| « p 49r | p 50r » |