BL Additional MS. 19,709 – page 73r
Brut y Brenhinoedd
73r
1
avr·hon y|mae darpar ymgyfaruot ac ỽynt. ỻawen yỽ
2
genyf. a|damunaỽ yd ỽyf y dyd yd ym·gyfarffom ni ac
3
vynt y·gyt. kanys sychet eu gỽaet vynt yssyd arnaf.
4
yn gymeint a|phei gvelvn fynhavn loyv eglur ger
5
vy mron y yfet diavt. Oi a duỽ gỽyn. y vyt a arhoei
6
y dyd hỽnnỽ. melys awelieu genhyf|i y|rei a gymerỽn
7
.i. neu y|rei a|rodỽn inheu tra newittyỽn an deheuo+
8
ed y·gyt a|n gelynyon. a|r agheu honno yssyd velys
9
yr hon a diodefỽn yn dial gvaet vy ryeni a|m ke+
10
nedyl ac yn amdiffyn vy rydit ac yn ardrychafel
11
an brenhin. ac vrth hynny kyrchvn yr aỽr·hon yr
12
haner|gỽyr hynnẏ. na safỽn yn eu kyrchu hyt pan
13
orffom|ni arnadunt vy gan dvyn eu hanryded yd
14
aruerhom ni oỻ o lawen vudugolyaeth. ac y ach+
15
waneckau dy lu titheu. minheu a|rodaf dỽy vil o
16
varchogyon aruaỽc heb eu pedyd. a gvedy daruot
17
y baỽb dywedut y|peth a vynhei yg|kylch hynny
18
adaỽ a|oruc paỽb nerth megys y bei y aỻu a|e
19
defnyd yn|y wassanaeth. ac yna y kahat o ynys. Prydein.
20
trugein mil o varchogyon aruaỽc heb y deg|mil
21
a adaỽssei vrenhin ỻydaỽ. ac odyna brenhined
22
yr ynyssed ereiỻ; kany buassei aruer o varchoga+
23
eth. paỽb onadunt a edewis pedydgant y saỽl
24
a eỻynt eu kaffel. sef a gahat o|r vyth y·nys. nyt
25
amgen Jwerdon. ac islont. a gotlont ac orc. a ỻych+
26
lyn. a denmarc. wheugein mil o|pedyd. ac y gan
27
tywyssogyon freinc nyt amgen ruthyn a|phortu
| « p 72v | p 73v » |