NLW MS. Peniarth 35 – page 13r
Llyfr Cynog
13r
1
Os yr lles y ketwis. Pỽy| bynhac a| watto
2
adneu a rodher attaỽ. Rodet llỽ dedengwyr*.
3
Llyma urodyeu yn amser hywel da a uarn+
4
aỽd iusticius yn| y heneint pryt na dywedei
5
gelwyd dim. Ac a ossodes bledric. Seith es+
6
cobty yssyd yn dyuet. Sef yỽ y rei hynny;
7
Mynyỽ pennaf esgobty yg kymry yỽ. A
8
llan ismael. llan| decheman. llan usyll.
9
llan| teilaỽ. llan euledaỽc. llan kenu. abbat
10
teilaỽ. ac abbat euledaỽc. ac ismael. A de+
11
geman a dylyant bot yn yscolheigon a phob
12
un o·honunt a dyly rodi y arglỽyd dyuet
13
pan uo marỽ deudecpunt. Mynyỽ Canys
14
pennaf yỽ. Ryd yỽ o bob dylyet y dỽy ereill
15
ryd ynt ỽrth nat oes tir udunt. Pỽy| byn+
16
hac a sarhao un orei hynny neu a| diotto gwa+
17
et arnaỽ. Talet chwe phunt dirỽy yr arglỽyd.
18
Pỽy| bynhac a ỽystlo gỽystyl y arall; ny
19
dyly y neb y gỽystler idaỽ namyn y gym+
20
ryt yn| y laỽ a|e dodi ar y ysgỽyd. Ac odyna
21
y dodi yn lle y catwer. A rei hynny yỽ teir
22
gwanas gỽystyl. Ac o gỽna mỽy no hyn+
23
ny Ef a| dyly colli y ỽystyl ac a uo arnaỽ O+
24
ny amot a|e dỽc idaỽ Canys ammot a| tyrr
25
O gỽystla mach gỽystyl dros ky +[ dedyf.
| « p 12v | p 13v » |