Cardiff MS. 1.363 (Hafod 2) – page 199r
Brut y Brenhinoedd
199r
1
namyn er hwn a welynt en crevlonhaf oll
2
ac en e lle y gan er hvn rey a|y etholynt e|ll+
3
edyt. kan ethol ereyll a vey crevlonach. pw+
4
y|bynnac a vey warach ac echydyc cret y karv
5
gwyryoned. hwnnv megys gelyn enys prydeyn a
6
dystrywyt. Ac o|r dywed pob peth o|r a karey dyw
7
ac o|r a kassaey o kyhaval vravt y gwneynt. onyt
8
bot en karvach kanthvnt er hynn a kassaey dyw. Ac
9
evelly e gwneynt pob peth o|r a vey wrth·wyneb er ye+
10
chyt. a hep keyssyav dym y gan vedyc er holl yechyt.
11
Ac nyt na mwy e dynyon byt. namyn kwveynt dyw
12
e|hwn a|y wugelyd hep dyosparth a gwneyn evelly.
13
Ac|wrth henny nyt ryved bot en kas gan dyw er rey
14
anvonedyc a wneynt e pethev henny. Ac wrth h+
15
enny e dwc dyw e pobyl honno er mynnv dyal
16
ev syberwyt arnadvnt ac ev deol oc ev gwlat.
17
ac eyssyoes os gattey dyw teylwng oed ynny
18
llafvryav y keyssyaỽ dyrchavael e kenedyl ky+
19
warssanghedyc ar y hen telynctaỽt rac bot en
20
waradwyd yr kenedyl en bot ny en llywyodron
21
gwann ony lafvryvn oc en holl allỽ y keyssyaỽ
| « p 198v | p 199v » |