Cardiff MS. 1.362 (Hafod 1) – page 35r
Brut y Brenhinoedd
35r
goluhau* ohanunt e hunein egluraf lampeu merthy+
ri. Ac yn uaỽr y mae bedeu y rei hynny. ac eu
hescyrn. Y greireu* maỽr·weirthaỽc yn|y lleoed
y merthyrỽyt yn gỽneuthur gỽyrtheu hyt y bei
kỽynuanus y cristynogyon clybot ry wneuthur
o paganyeit y kyfryỽ distryỽ hỽnnỽ ar eu priaỽt
genedyl. Ac ym plith y bendigeidyon verthyri y di+
odefỽys seint alba o varolan. Ac y gyt ac ef Julius
ac aron o gaer llion ar ỽysc. Ac yna y kymyrtl* seint
alban anthibalus a* y kudyỽys ty e|hunan rac y
verthyru. A gỽedy na|thygye y kymyrth y wisc e
hun ymdanaỽ ac ymrodes ym mertholoryaeth dro+
staỽ gan euelychu crist. y gỽr a rodes y eneit tros
y deueit. ac odyna y deu ỽr ereill trỽy aglywedic po+
eneu ar eu korfforroed a|e hellỽg y wlat nef.
AC yna y kyuodes iarll kaer loyỽ yn erbyn
asclipiototus. A gỽedy ymlad ac ef a|e lad.
y kymyrth e|hun coron y teyrnas. A gỽedy menegi
hynny y sened rufein. llawenhau a wnaethant o ageu
y brenhin a gynheruassei eu arglỽydiaaeth*. A gỽe+
dy dỽyn ar goff* o·nadunt eu kollet yr pan gollassynt
arglỽydiaeth ynys prydein. Sef a wnaethant an+
uon constans senedỽr o rufein y gỽr a waryscynass+
ei yr yspaen ỽrth rufein. gỽr doeth gleỽ eoed* hỽnnỽ
ac a|lafuryei yn vỽy no neb y chaneccau* arglỽdiaeth*
gỽyr rufein. A phan gigleu goel bot y gỽr hỽnnỽ
yn dyuot. y ynys prydein ofynhau a oruc ymlad ac
ef kan klywei nat oed neb a allei gorthỽynebu
idaỽ Ac|ỽrth hynny pan doeth constans yr tir.
| « p 34v | p 35v » |