BL Cotton Titus MS. D IX – page 34r
Llyfr Blegywryd
34r
1
o|r genedyl a|e gwatta. ac velly mam neu
2
genedyl mam a|dichaun dỽyn y|kyfuryỽ
3
etiued hỽnnỽ y|genedyl gan y odef vdunt.
4
Ny|ly* braỽf vot o|bleit etiued kyssỽynn
5
yn erbyn gỽat cỽbyl o|r parth arall. na ̷+
6
myn praỽf a|dyly bot gan|y odef o|r pleit
7
arall. kannys godef ym|pob peth a|tyr pob
8
kyghaỽs. Os gỽreic a|e|dỽc ef. tyghet ar
9
yr allaỽr gyssegredic. onny|chredir heb y|th+
10
ỽg. neu onny wedir cỽbyl yn|y herbynn.
11
Teir gormes doeth ynt; Meddaỽt. a|godi+
12
neb. a|dryc·anyan. TRi dyn a|dyly tauot+
13
yaỽc yn llys. Gỽreic. ac alltut a·ghyfuye+
14
ithus. a|chryc annyanaỽl. Vn dyn hagen
15
a|dyly deỽis y|tauotyaỽc arglỽyd. ac ef
16
a|dyly eu kymell y|rei ereill. TRi llydyn di+
17
geureith eu gỽeithret ar anyueileit mut.
18
ystalỽyn. a|tharỽ trefgord. a|baed kenue ̷+
19
in. Digyureith heuyt yỽ gỽeithret tarỽ
20
geisso gỽarthec gỽassaỽt o galan mei. hyt
21
galan gayaf. ac ystalỽyn tra geiso gessyc
22
gỽynned. a|baed tra vo llotticcrỽyd ar|y|moch
23
y|bo arnunt. ny diỽygant a|wnelỽynt
24
yna. TRi llydyn nyt oes werth kyureith
25
arnunt. knyỽ hỽch. a|betheiat. a char+
26
lỽg. TRi gỽaet digyureith yssyd; gỽaet.
| « p 33v | p 34v » |