BL Additional MS. 19,709 – page 25v
Brut y Brenhinoedd
25v
1
yat gỽyr rufein gan hỽnnỽ. a chyt gaỻei at+
2
tal eu teyrnget o|e hanuod y rodei vdunt heb
3
oruot y gymeỻ na|e herchi. a|r amser hỽnnỽ y
4
ganet yr arglỽyd iessu grist hoỻgyfoethaỽc o|r
5
arglỽydes diweir veir wyrẏ vendigeit y gỽr a bryn+
6
ỽys y cristynogyon yr creu y gaỻon a oedyn rỽym+
7
edic o gadỽyneu diefyl. ~ ~ ~ ~ ~
8
A gvedy bot kynuelyn vab tenefan yn vrenhin
9
deg mlyned y ganet deu uab idaỽ a|r hynaf
10
a elwit gvẏdẏr. a|r jeuaf a elwit gveiryd adar+
11
weindavc. a gvedy eilenwi dieỽed buched kyn+
12
velyn y gỽnaethpvyt gveiryd yn vrenhin. ac ẏ
13
dechrewis attal teyrnget gvẏr rufein. ac yna
14
y|doeth gloyỽ amheravdyr rufein a ỻu gantaỽ
15
y ynys. prydein. y|gymeỻ y teyrnget drachefyn. a|lelius
16
hamo tywyssaỽc ymladeu y·gyt ac ef yr hỽn ny
17
wnahei yr amheravdẏr dim heb y|gygor. ac y doeth+
18
ant y borth chestyr y|r tir. ac ẏna y dechreuassant
19
kayu pyrth y|dinas a|mur maen mal na chahei
20
neb o vyỽn vynet aỻan. kanys eu bryt oed eu
21
gvarchae a|e kymheỻ drỽy newyn y|wedaỽl dra+
22
gywydaỽl darystygedigaeth vdunt a|gỽedy dyfot
23
y|chwedyl ar wẏdẏr kynuỻaỽ a oruc ynteu hoỻ
24
ymladwyr ynys. prydein. yn|y erbyn. a|gỽedy dyuot
25
y deu·lu yn gyfagos a bydinaỽ o|pop parth a dech+
26
reu ymlad a|molestu y elynyon a wnaeth gỽy+
27
dyr yn ỽychẏr a|mỽy a|ladei e|hun no|r ran vỽy+
28
af o|e lu ac ar hyny yd oed yr amheraỽdyr a|e
29
lu yn kyrchu y logeu dan ffo. Pan aeth yr em+
| « p 25r | p 26r » |