NLW MS. Peniarth 46 – page 317
Brut y Brenhinoedd
317
1
libia. ac yna y|gỽasgarỽydt y|getymeithon
2
ef. ac ual kynt y|deuth ef a|rei o|e uydin. ac
3
a|chorf bedỽyr at y|dreic eureit. ac yna yd
4
oed cỽynuan a girat am|y|gỽr hỽnnỽ pei ke+
5
ffit yn amdiffyn yr eneideu. ac yna y|kymyr+
6
th hirlas nei y uedỽyr trychan marchaỽc
7
gyt ac ef. a|chyrchu ual baed coet trỽy laỽer
8
o|gỽn hyt y|lle y|gỽelei arỽydon brenhin. mydif
9
hep didorbot beth a|gyuarffei ac ef gann dial
10
y|eỽythyr. a|gỽedy dyuot y kymerth brenhin
11
mydif y|ar|y uarch o|blith y|uydin a|e dỽyn
12
lle yd oed corff bedỽyr. ac yno y|dryllaỽ. oll.
13
ac odyna gyru grym ac angerd yn|y gety ̷ ̷+
14
meithon yny oed y|houyn ar|y gelynyon. a
15
gỽneuthur o|e dysc ef aerua drom o|e gelyn+
16
yon. ac yna. o|barth gỽyr ruuein eithyr yr
17
hynn ny ellir y|rif o|ỽyr ereill. y|syrthỽys.
18
Eliphant urenhin. yr yspaen. misipsa urenhin. ba+
19
bilon. a|chỽintus miliuus. a|mar senadỽr o rufein.
20
ac o|barth y bryttannyeit y|syrthaỽd. Lodgar
21
tyỽyssaỽc bolỽyn. Hodlyn tyỽyssaỽc rỽytỽn.
22
Cursalem o gaer geint. Gỽallaỽc o amỽyth+
23
ic. Vryen o gaer uadon. ac am golli eu llyỽ+
| « p 316 | p 318 » |