NLW MS. Peniarth 38 – page 34v
Llyfr Blegywryd
34v
1
neu pedeir keinhaỽc. kyfreith. a|muneit o ỽenith y|ỽneu+
2
thur iỽt. a dỽy gyfelin o|vrethyn gỽyn ne* vrith ar
3
y mab. a buch vlith a|e llo. a|thri|charreit o ỽenith a
4
cheirch a heid. a|thri|charreit o|gynnut. Os myn y
5
vam. hi a|e keiff oll. Ony|s myn hi; rodher y arall.
6
O r a morỽyn ỽyry yn llathrut heb kenedyl; y|that
7
a|dichaỽn y hattỽyn rac y gỽr o|e hanuod. ac ny|thal
8
y hamobyr y|r arglỽyd. ac ny chyll hi dim o|e iaỽn y
9
gan y neb a|e duc. O|r a gỽreic hagen yn llathrut
10
o anuod y chenedyl; ny eill neb y dỽyn o|e hanuod
11
rac y gỽr. o|r lle y|bo y hatlam y telir y hamobyr. ~ ~
12
Gỽreic a|dyccer lathrut ac ny ỽnel amot yg|gỽyd
13
tyston ar gaffel iaỽn o|gỽbyl. ny cheiff herỽyd gỽyr
14
gỽyned onyt tri eidon. herỽyd gỽyr y deheu hi a
15
gaffei gynt y hegỽedi yn hollaỽl megys gỽreic a
16
rodhei genedyl. Y neb a dycco morỽyn yn llath+
17
rut. a|gofyn y|r gỽr ohonei pa veint a rodhei ef idaỽ
18
mi a rodhaf it y veint hon. a chatarnhau ar y|gret
19
ac vch creireu. ac os gỽatta gỽedy hynny; kymer+
20
et hi y|creir. a|thyget adaỽ ohonaỽ ef hynny. ac velly
| « p 34r | p 35r » |