NLW MS. Peniarth 32 (Y Llyfr Teg) – page 135
Llyfr Iorwerth
135
1
ỻaeth. a|r pedeir am y ỻo. ac o hanner haf aỻan y
2
dyly y hymol. a|r dyd yd ymholer y drycheif arnei;
3
pedeir keinhaỽc kyfreith. ac o hynny aỻan dỽy geinha+
4
ỽc kyfreith. bop tymhor hyt o hanner maỽrth hyt
5
hanner ebriỻ. ac yna y dyly alu. a dygỽydaỽ y
6
haryant doodỽf arnei; yny vo kỽbyl y gỽerth.
7
o drugeint. Ac ueỻy y byd hyt y pymhet ỻo.
8
a hyt hynny y tric yn|y thelediwrỽyd. ac o hynny
9
aỻan damdỽg. Messur y ỻaeth yỽ; teir mot+
10
ued yn ỻet gỽaelaỽt y ỻestyr. a chwech yn ỻet
11
y berued. a naỽ yn|y hyt yn amroscoyỽ; Sef baỽt
12
a dyly messuraỽ y ỻestyr; baỽt yr ygnat. O|r
13
byd kynhen am y ỻaeth; y dỽyn naỽuettyd
14
mei yn ỻe kyfyewin nyt el vn ỻỽdyn yn|y blaen
15
yndaỽ. a gadu y|r neb pieiffo y godro. a heb adel
16
dim y|r ỻo. a rodi y godro yn|y ỻestyr messur.
17
ac o|r byd ỻaỽn dỽy·weith dogyn yỽ. ac ony byd y
18
dieisiwaỽ o werth y ỻaeth. o|r neb a wertho y vuch.
19
Os hanner y ỻaeth. hanner y gỽerth. Os traean
20
y ỻaeth traean y gỽerth. a|hynny a|dylyir o kyfreith.
21
Gỽerth y chlust a|e chorn a|e|ỻygat a|e ỻoscỽrn;
22
pedeir keinhaỽc ar bop vn o·nadunt. Gỽerth
23
y theth yỽ; pededeir* keinhaỽc bop blỽydyn. neu
24
dauat a|e hoen a aỻo a|e gỽlan. cudyaỽ y hoen
25
y·rỽg y phedwar|troet rac kawat vei. a honno
26
vn·weith. ac o|r byd ryderic; dec ar|hugeint bop
| « p 134 | p 136 » |