NLW MS. Peniarth 14, pp.101-90 – page 184
Peredur
184
1
bwyt ar llyn a|gymyrth peredur ar llall a|adawd yngky+
2
ueir y uorwyn A|phan daruu ydaw uuwyta* dyuot a|oruc
3
yn yd oed y|uorwyn a|dywedut vy|mam a|erchis ymi hep ef
4
kymryt tlws tec yny gwelwn nyt myui eneit a|e gw+
5
arauun yti hep yr unbennes. y|uodrwy a|gymyrth pe+
6
redur ac ystwng ar benn y lin a|oruc a|rodi cussan idi
7
a|mynet ymeith Ac yn ol hynny y|doeth marchawc
8
bieuuoed y|pebyll a|gwelet ol y|march yn|y drws. pwy
9
a|uu yma gwedy myui. dyn eres a|uu yma hep hi a|d+
10
ywedut oll ual yd|oed. a|uu ef gennyti hep ef na uu
11
myn uyngkret hep hi Myn uyngkret hep ynteu nyth
12
gredaf. ac yny ymgaffwyf|i ac euo y|dial uyngkew+
13
ilid ny cheffy ditheu dwy|nos yn un|ty Ac yna y|ky+
14
fuodes syberw y|llannerch. ac yd aeth y ymgeissiaw
15
ac ef. ynteu beredur a gerdawd racdaw parth a|llys
16
arthur. A chyn y|dyuot ef yr llys y|doeth y|marchawc ar+
17
all yr llys. a|modrwy eururas a|rodasei hwnnw y|dyn
18
yn|y porth yr daly y|uarch tra adoed ynteu y mewn yn+
19
yd oed arthur a|gwenhwyuar ac enniuer ar marcha+
20
wc a|gymyrth y|goluwrch o|law wenhwyuar ac ef
21
a|uwyryawd llyn am y|hwynep a|e bronuoll ac ef a|rodes
22
idi bonclust ac a|dyuawt wrthi yn uchel osit a|uyn+
23
ho amwyn y|goluwrch hwnn a|myui. a|dial sarhaet
24
gwenhwyuar doet ym ol yr weirglawd a|mi a|e har+
| « p 183 | p 185 » |